510/2025-2026

Dated Hnahthial, the 21th May, 2025: Vawiin khan Hnahthial District Sports Committee Chairman leh Bawrhsap ni bawk, Pi K. Vanlalruati kaihhruaiin Hnahthial District Sports Committee (HDSC) member-te chu an thukhawm a. District chhunga Boxing Hall awm theih dan tur leh a awmna hmun tur mai bakah sports committee Chairman hnena thu thlente sawi ho a ni.

Thutkhawmnaah hian Hnahthial District Football Association (HDFA) turf ground lu lama ram chu Hnahthial District Boxing Association-te chuan Boxing Hall awm theih nan ruahmanna siam ni se tiin Committee hnenah thu an thlen a. Hall sak nan hian a lo berah ram hi 60 sq. ft. a zau an mamawh tur thu sawiin Hall a dah tur, Boxing ring, Mizoram Boxing Association (MIZBA) ten an pek chu dahna a la awm loh avangin E. Lungdarah a la awm rih thu an sawi a ni.

Sports Association hrang hrang aiawha rawn kalte chuan Boxing Association thuthlen hi lungrual takin an pawm a. Bawrhsap chuan hun remchang hmasa berah committee member-te nen ram chu a hmunah enfiah ni se a ti bawk.

Thutkhawmnaah hian Pi Esther Leihang, SDO (Sadar), Pu R. Vanlalruata, DSYO leh Committee member dangte an tel a ni.