509/2025-2026

Lawngtlai, 21st  May 2025 : Vawiin khan Pi Vanlaldiki Sailo, Mizoram State Commissioner for Persons with Disabilities (PwD) chuan Deputy Commissioner (DC) Office, LADC Office, District Hospital, Government Region Higher Secondary School leh Government Lawngtlai College, te chu rualbanlote tana thlen phak leh awlsam zawka dawr theih an nih leh nih lohte a hmunah kalin a enfiah.

Pi Vanlaldiki Sailo chuan 'Accessibility  India Campaign' hnuaiah rualbanlote thlen/ pan theih lohna a awm em tih zirchiang tura lokal a nih thu a sawi a. All India Campaign-  a nih angin state hrang hrangah hmalak mek a ni tiin, Mizoramah pawh chak taka hmalak a nih thu a tarlang. Zirna In leh sawrkar building zawng zawng chu rualbanlote tana  thlen phak a ni tur a ni a, toilet/ bathroom- ah pawh rualbanlote hman tur bik siam a tul hle a ti.  State Commissioner for PwD chuan India Sawrkarin Rualbanlote a ngai pawimawh hle a, Sawrkar hun pawimawh leh thiltih kalphung engkim an hriat ve theihna turin Interpreter (Sign language thiamte) a hmang uar tawh hle a ni, a ti.

State Commissioner for PwD chuan Mizoram sawrkar pawhin  sign language thiamte a hmang tangkai chho tan mek tih tarlangin, a bik takin Lawngtlai District atanga sign language course zir tur lo zawng turin a chah a. Pi Vanlaldiki chuan zan khat thila rualbanlo thei vek  nihna hriaa theihtawpa rualbanlote  tana thawk zel turin Lawngtlai mipuite a sawm nghal bawk.

Pi Vanlaldiki Sailo hian Deputy Commissioner (DC) Office, LADC Office, District Hospital, Government Region Higher Secondary School leh Government Lawngtlai College, a tlawhnaah hian Rualbanlote tana hamthatna an siam hrang hrangte a en dik a. A bik takin toilet, grab bars leh  Ramps bakah  signage tar  a awm leh awm loh te a enfiah a. Rualbanloten awlsam zawka Office an  dawr theihna tur te, an   in entir theihna tur leh nuam zawka  zirna In an kai theihna tura theihtawp chhuah tura chahin, an dikna chanvo lo humhalh sak zel turin a sawm nghal a ni. 

Pi Vanlaldiki Sailo, Mizoram State Commissioner for Persons with Disabilities (PwD) hi Dr. Saithantluangi Zote,  SDC, bakah  DPO (WCD) , MPWD (Building), LADC (Primary leh Middle School,Section), GAD,LADC aiawh leh Samagra Shiksha Abhiyan , Lawngtlai District aiawhten an tawiawm thei a ni.