Thian duhtakte u,
Vawiin ni pawimawh, India-in zalenna kan neih aṭanga a champha vawi 77-na leh Independence vawi 78-na Hnahthial District khawpuia kan hmang thei hi a lawmawm em em a, he huna ka lo tel thei hi chhuanawm ka ti hle a ni.
Kumin Independence Day atana sawrkarin a tum chu ‘Viksit Bharat’ (Developed India) tih a ni a. Chu chuan a tum chu kum 2047-a India Independence Day vawi 100-na tlin kuma ‘Ram Intodelh India’ thlen tumna zel a ni. Vawiinah hian India ram hmun hrang hrangah Independence Day hi ropui taka hman a ni a. Kan national capital New Delhi-ah Prime Minister uapna hnuaiah hman a ni a. Red Fort-ah hnam puanzar pawt pharhin hun hman a ni a. Mizormah pawh kan khawpui ber Aizawlah Chief Minister uapna hnuaiah Sipai Lammualah hman a ni bawk.
Independence Day a lo thlena India-in min awptu laka zalenna kan neih kan hriat chhuah rualin, chu zalennain khawtlang leh mi mala zalenna min pek tel chu hre rengin, hmasawnna kawng zawh nan i hmang ṭangkai zel ang u. Chu zalenna kan neih theih nana kan ram hruaitu mi ropui tak takte chu hre rengin, zahna chibai i buk thar leh ṭhin ang u.
Kum 20 dawn Hnathiala kan hotuten District nei tura an hun leh tha an lo sen ṭhin chu June ni 3, 2019 khan tihhlawhtlin niin, Deputy Commissioner hran neiin kan lo inrelbawl hrang ṭan a. District puitlinga hlan kai kan nih aṭangin kum 5 lai a lo kal leh ta a, Independence Day pawh ṭum 6 kan hmanna a lo ni ta.
Hnahthial hi District puitlinga hlan kai kan nih hma pawhin khaw entawntlak leh Mizorama khaw langsar pawl tak kan ni sa reng a. Hnahthial District huam chhungah pawh khua leh hmun pawimawh leh lar tak tak kan nei tih kan hria a.
Tunlaiah hmeichhe dinhmun chawi san kan sawi nasa a. Hemi atan hian Hnahthial District hi Zofate hmunpui atana awhawm tak mai a ni. Mizo thu leh hla lama hming lian ber pawl, Thingsai khua leh tui Saikuti bakah Lalsangzuali Sailo te lo seilenna hmun a ni a. Lalnu ropui berte zinga mi Denlung lalnu Ropuiliani leh Darzo lalnu Darbilhi te rorelna ṭhin a ni a. Hengte avang hian Hnahthial District hian a hmingthan phah a; kan chawi nun a, an hniak zui zel turin kan inchah duh a ni.
Darzo han sawi hian Vai Len vawi hnihna laia Fort Tregear te rilruah a lo lang a. Hei hian a lantir chu Hnahthial District awmna lai hi Mizoram tan, a Sap ṭawng takin, strategic takin a pawimawh em em a. Myanmar nena inri kan nih avangin security thilah te, dan lova thil tawlh ruk danna kawngah te kan pawimawh hle tih kan hriat a ngai a ni.
Hnahthiala kan thil tih chhinchhiahthlak tak mai pakhat chu Tuipui D lui kan humhalh a, nungcha tam tak an lo pung hi a ni. Tun lai khawvelah chuan khuarel humhalh hi a pawimawh em em a. Mihringte hi khuarel ‘tichereutu’ ni lova ‘enkawltu’ tura Pathianin kan chunga mawhphurhna a dah kan ni a, Hnahthial mipuiten hei hi ṭha tak maia kan kalpui hi a lawmawm em em a ni.
District anga ṭhanna tur kawng tam tak kan neiin ka hria a.
(i) A hmasa berah chuan literacy rate ṭha tak kan nei a. HSLC exam-ah Mizoram puma top 10-a lang pawh mi 10 zen zawn chu kan nei tawh a. Hei hi history mai ni lo a, nakin thlenga kan chhawm chhoh zel ka beisei. District hotute hma laknain education leh skill sector-ah hma kan sawn nasa tih ka hria a. Tunlai mamawh thiamna, kum zabi 21-na thiamna (21st century skills) hawi zawnga zirna kan kalpui a, thiam thil bik neia eizawn nana kan hman thiam zel a ngai dawn a ni.
(ii) Infiamna lamah pawh theihna nasa tak kan nei tih ka hria a. Kan bialtu MLA pawh junior leh senior level-a Indian football team captain ni thei a ni a. Ani hnung zuiin, a hmalakna azarah infiamna kawng hrang hrangah state level aia sang kan thlen zel theih ka beisei tlat a ni.
(iii) Tourism-ah potential kan nei ṭha hlein a lang a. Kan sawi tawh angin heritage tourism atan Darzo leh Denlung kan nei a. Keimahni kan hlut a, kan tih lar thiam zel a ngai ang. Chu mai bakah hmunhma nuam tak tak kan nei a. Ecotourism atan Tupui D kan humhalh te, Purun Tlang te, South Vanlaiphai te, South Chawngtui te kan nei a. Khualzin kan hip thiam zel chuan hengah hian revenue siam theihna kan nei ṭha viau awm e.
(iv) Kawngpui ṭha tak, National Highway-2 tan tlang kan ni a, District khawpui hrang hrang kal pawh zung zung kan harsat lo a, hei hi kan hman ṭangkai thiam a ngai.
Tunah hian District hlun zawk kan um mek zel a. District thar nihna rilru pu lovin, Mizoram District zinga entawntlak leh kawng hrang hranga hmahruatu ni turin ṭang rual zel turin kan infuih a ni.
Govt. policy & initiatives on education.
Achievement report
1. District Administration :-
(i) District Administration khai kawmtu Deputy Commissioner’s Office changtlung tak mai chu September ni 1, 2024 khan luah ṭan a ni a; hei hi Special Central Assistance hnuaia cheng vbc. 10-a sak a ni a, office pamma kawnga retaining wall pawh ṭha taka siam a ni. Certificate, license leh permit chi hrang hrangte pek chhuah ṭhin niin 2023-24 chhunga revenue receipt chu Rs. 5,77,950.00 a ni a, khuarel chhiat tawkte chhawmdawl nan SDRF hnuaiah Rs 35,33,550 pek chhuah tawh a ni. Tin, MLALAD aṭangin kum 2023-24 chhungin Rs 1,22,30,00 hman chhuah tawh a ni.
(ii) Superintendent of Police’s Office venhimna hnuaih MLA, 2023 inthlanna muanawm tak neih a ni a. Kum 2023 chhungin case 86 register niin district detection rate chu 90% a ni. 1st January-31st July, 2024 thleng khan case 38 register niinn detection rate hi 92% a ni. Case neihte hi a tlangpuiin NDPS case (ruihlo), MV Act case, POCSO case, puak thei thil man case, leh cyber crime case te a ni a. Hengah hian awareness hrang hrang pawh neih a ni a; Criminal Laws thar pathum chunchangah pawh July ni 1, 2024-a hman tan anih hnuah hmun hrang hrangah awareness leh sensitization campaign kalpui a ni.
2. Agriculture: -
(i) RKVY-PDMC hnuaiah water tank 41 (unit khatah Rs.90,000) siam niin tank 11 (unit khatah Rs.15,000) thawm ṭhat a ni.
(ii) Saphak Project, Pangzawlah solar pump Rs 5,00,000-in sak a ni.
(iii) Thlai chi, hlo kahna leh lo neitu mamawh chi hrang hrang chu subsidized rate a pek chhuah an ni.
3. Power & Electricity (P&E) : -
(i) 33kV sub-station chu 1.6 MVA aṭangin 2.5 MVA-ah augment a ni a; Hnahthial Chanmari Vengah 100 kVA chu 250 kVA-ah augment niin Pangzawl-ah 25 kVA chu 100 kVA-ah augment a ni bawk.
(ii) 11 kV line leh distribution transformer pahnihte chu Tuipui Zau leh Uikak Zau-ah lo neitute tan siam mek a ni a. Hnahthial Town-ah 1.72 km LT extension line chu siam a ni a, Mauthimpui ram (Thiltalng VC area)-ah 132kV sub-station chu siam mek a ni.
4. Public Health Engineering (PHE) : -
(i) Hnahthial khuain tui hnianghnar zawka a hmuh theih nan AMRUT 2.0 hnuaih tuizem lian 2, litre nuai 4.5 dawng ve ve siam a ni.
(ii) JJM hnuaiah S. Vanlaiphai tui lak, solar pumping hmanga kalpui mek niin, pump test chiah hmabak a ni tawh.
(iii) District laboratory buiding sak mek niin November thlaah peh fel hman beisei a ni.
5. Women and Child Development: -
(i) Government runs home pathum din niin heta thawk turte hi home tinah thawktu 10 ṭheuh lak an ni.
(ii) Naupang dinhmun harsa zualte chhawmdawlna atan kum 2023 chhung khan sponsorship hi naupang 44 hnenah pek chhuah niin, kum 2024 chhungin naupang 102 hnenah pek chhuah a ni bawk.
(iii) August 2023 aṭanga kumin July chhungin naupang dan kalha che mi 7 te chungthu Juvenile Justice Board chuan relsakin, naupang, a bika enkawl leh venhim ngai mi 115-te chungthu Child Welfare Committee-in a ngaihtuah bawk.
6. Fisheries: -
(i) Riverine conservation programme hmalakna chu chak taka chhunzawm zel niin YMA branch hrang hrangte nen ṭangkawpin dan bawhchhiate chungah dan anga hma lak zel a ni.
(ii) PMMSY scheme hnuaiah chhungkua 139-te hnenah tuikhuah siam ṭanpuina pek niin, RKVY scheme hnuaiah chhungkua 16 hnenah cheng nuai sarih leh sing khat (Rs. 7.1 lakhs) sangha dil siamna tur pek an ni.
(iii) Hnahthial fish farmer-te hnehah sangha chaw sem niin, khaw paruk (6) hman atan water testing kit sem a ni.
7. Land Resources, Soil & Water Conservation: -
(i) RKVY leh NABARD hnuaiah hna hrang hrang thawh a ni a. Community Water Harvesting Tank pahnih (2), Individual W/H tank sawm pathum (13), Check Dam sawmthum (30), Bench Terrace heactare 30, Contour Trench sawm pahnih (12) leh pipe distribution chhungkaw 11 hnenah pek an ni.
8. Sericulture:
(i) Mulberry silkworm (640 DFls) leh Eri silkworm (10808 Dfls) tui chu farmer-ho hnenah sem chhuah niin, Govt. mulberry seed farm-ah Mulberry Plantation Farm acre 7-a zau siam a ni.
(ii) Muga silkworm tui 4050 chu thar chhuah niin, chung chu Muga silkworm tui siam nana hman ani.
(iii) Silk Samagra-2, Eri-silkworm cocoon thar chhuahna tur central scheme duan hnuaiah beneficiaries 66 an awm mek a ni.
9. Health & Family Welfare:
(i) District Hospital thar chu sak mek niin khum 50 awm thei tura ruahman a ni.
(ii) National Standard Laboratory Building sak tuma hma lak mek niin khawl thar, Semi Auto Analyser chu dawn a ni tawh bawk.
(iii) 2023-24 Financial Year-ah nausen thih rate (Infant Mortality rate) chu Hnahthial district-ah 15 niin nu nau chunga thi (Maternal Mortality rate)-ah nil a ni. Fully immunized (naupang kum khat hnuia lam vaccine la kim zat) chu 100% a ni.
10. AH & Vety:
(i) RIDF hnuaiah District Veterinary Hospital cheng nuai 120 man leh District Veterinary Office cheng nuai 50 man chu sak mek niin, CVO Quarters leh VO quarters te sak zawh tawh a ni.
(ii) 1st April 2023- 31st July 2024 chhung khan vaccine hrang hrang pek niin Classical Swine Fever 2644, Anti Rabies 158, Food and Mouth Disease 61, Peste des Pestis Ruminants (PPR) 63 leh LSD 114 te tan vaccine pek an ni.
11. Rural Development:
(i) DRDO-ah hian Centrally sponsored schemes hrang hrang pathum – Mahatma Gandhi National Rural Employment Guarantee Act (MGNREGA), Pradhan Mantri Krishi Sanchayee Yojana 2.0 (PMKSY 2.0) leh Pradhan Mantri Awaas Yojana – Gramin (PMAY-G) te hnuaiah hnathawh kalpui a ni a.
(ii) MGNREGA hnuaiah hian Job Card active 6872 a awmin, 2023-24 reporting period chhungin hna hrang hrang 840 zawh fel a ni.
(iii) PMAY-G hian Hnahthial District chhunga khaw 18 huamin beneficiaries 138 hnenah first installment pek an ni tawh a ni.
12. UD&PA:
(i) Solid Waste Management centre, Thiltlang rama sakna tur atana DPR siam fel tawh niin proposal theh luh tawh a ni.
(ii) District Urban Development office hma laknain District Hospital-ah patient attendant shelter chu cheng nuai sawmthum pariat leh singriat (Rs.38,80,440) senga sak mek niin, September 2024 hian luah hman tura peih fel a nih theih nan chak taka hma lak mek a ni.
(iii) DAY-NULM hnuaiah General Duty Assistant (GDA) mi 30 leh Baking Technician mi 30 te hnenah a thlawna zirna (3 months course training) pek a ni.
13. Economics & Satistics :-
(i) Economics & Statistics Department hian piang leh thi zat mumal taka chhinchhiah ṭhinin, kum 2023 leh 2024 chhungin nau piang 375 chhinchhiah a ni a, thi 252 an chhinchhiah bawk a ni.
(ii) 2023-24 chhung khan delayed register hi 113 awmin re-issue of certificate 325 a awm bawk a ni.
14. Horticulture Department :-
(i) NABARD hnuaiah Warehouse cum collection centre, Manager quarter leh Chowkidar quarter te Hnahthial Horticulture Complex-ah sak tura ruahmanna siam a ni a, Cherhlun khuaah ruahman bawk niin sakna hmun tur hi peih fel bek tawh a ni.
(ii) CM Handholding Policy: Hemi atan hian Hnahthial district chhungah society 35 din niin Farmers in register tiang hi a ni:
(iii) Sawhthing ching khaw 35 awmin an vaiin chhungkaw 1812 an awm
(iv) Hmarcha ching khaw 31 awmin an vaiin chhungkaw 862 an awm
(v) Aieng ching khaw 20 awmin an vaiin chhungkaw 70 an awm
15. Krishi Vigyan Kendra (KVK): -
(i) Thlai leh thei chi chi hrang hrang 2.5 quintals pek chhuah a ni.
(ii) NICRA project hnuaiah kut hnathawkte tan Custom Hiring Centre thar, South Vanlaiphaiah hawn niin Hnahthialah pathum hawn tawh a ni.
16. District Civil Supplies Office:
(i) Central scheme ṭha taka kalpui niin PM Poshan hnuaia midday meal (MDM) leh Aganwadi naupangte tan buhfai ṭha (fortified rice) pek an ni.
(ii) Construction of Warehouse and Other Amenities (NABARD) hnuaiah Godown & staff quarters sak mek a ni.
17. ICDS: -
Hnahthial ICDS hnuaiah khaw 26-ah Aganwadi Centre 115 awm mekin beneficiaries, naupang piang hlim aṭanga kum ruk (0-6) 2960 leh nu naupai leh naupawm 316 an awm mek a. Heng beneficiaries zawng zawngte hi portal-ah thun niin aadhaar thlun zawm vek an ni.
18. MPWD: -
PWD hnuaiah hian kum 2023-2024 chhung khan hmalakna hrang hrang neih tawh niin chungte chu:
(i) Formation cutting – 7.24 km
(ii) Black top – 35.982 kms
(iii) Cocrete pavement – 11.01 kms
(iv) Culvert – 32 nos
(v) Protection wall - 662 Rm
19. Forest: -
(i) Hnahthial Forest range hnuaiah hmalakna hrang hrang awmin chungte chu:
(ii) Hnahthial District Level Fire Prevention Committee hmalaknain kangmei ven kawngah theih tawp chhuah a ni.
(iii) Green Mizoram Day 2024 leh Hnahthial Forest Range hmalaknain seedling 4000 chuang sem chhuah leh phun belh a ni.
(iv) Kangmei ven kawnga ti ṭhate chu thlan chhuah niin, kum tin lawmman ṭha tak pek thin an ni a, kumin pawh hian pek leh tura ruahman a ni.
20. H&TE
(i) Kum 2024-25 session atan 1st semester-ah zirlai 53, 3rd semester-ah zirlai 29, 5th semester-ah zirlai 28, a vaiin zirlai 110 enrolment tihsak tawh an ni.
(ii) Kum 2024 result-ah khan UG exam 45 awmin, chung zinga 28 chu an pass a. Pass percentage hi 63.54% a ni.
(iii) Republic Day 2024 NCC Parade-ah a vawi khat nan an tel a. CATC Camp, Tanhril-a neiha telin gold medal pahnih an la a ni.
21. School of Agricultural Sciences: SAS hian ‘Diploma in Agricultural Sciences’, kum hnih zir course offer-in Mizoram Sate Council for Technical Education ah affiliation tih a ni a, RIDF NABARD-Phase II sum hmangin Boys Hostel nuai 180 man te, Guest House nuai 130 man te, Type-II quarters nuai 180 man leh Type-III Quarters nuai 150 man hu te sak mek a ni.
22. Taxation
Deputy Commissioner of State Tax, Hnahthial zone thawktuten an tih ber chu MVAT Tax, GST leh Professional tax khawn khawm a ni a. Kum 2023-24 FY chhung, October 2023 aṭanga khawn khawm dan chu tiang hi a ni:
GST : Rs.6,57,113.00
MVAT : Rs.10,00,000.00
Profession Tax : Rs.8,44,960.00
Total : Rs. 25,02,073.00
April-July chhunga 2024-25 FY a khawn khawm dan chu hetiang hi a ni:
GST : Rs.19,98,265.00
MVAT : Rs.71,70,164.00
Profession Tax : Rs. 11,34,920.00
Total : Rs.103,03,349.00
22. School Education Department: -
(i) Govt. Higher Secondary: November, 2021 aṭangin Samagra Shiksha hnuaiah Science Building sak ṭan a ni a, hna hi 90% vel thawh zawh tawh niin tun Academic Session chhung hian luah hman beisei a ni.
(ii) District chhunga school building, toilet, CWSN toilet sak thar leh thuam ṭhat (major repair) kalpui a nih bakah, school-a tui thianghlim in tur (drinking water facilities) leh ruahtui khawlna (rain water harvesting) siam niin school eng emaw zatah tui dah vawhna (water cooler) 80 liters zel dah a ni tawh bawk.
(iii) Govt. Higher Secondary School, Hnahthial-ah Science building tur Rs 1,55,97,827.00 (Nuai Za Sawmnga Panga, Sing Kua Sang Sarih Sawmhnih Pasarih) sengin sak mek a ni a.
(iv) Samagra Shiksha hnuaiah school building awngrawp tawh zual sak ṭhat niin, NABARD leh BADP hnuaiah School building eng emaw zah sak ṭhat hna thawh a ni bawk.
(v) Samagra Shiksha hnuaiah Hnahthialah Govt. Middle School beh chhanin Elementary School naupang mi 50 awm theihna tur Govt. Model Middle School-ah Hostel sak tura ruahman a ni a. Central sawrkar, PAB-in approved fel thap tawhin sanction awm veleh a bul ṭan nghal tur a ni.
(vi) Grassroots Sports Development Programme hnuaiah Football, Hockey, Badminton, Boxing Training Academy kalpui mek niin Center tinah hian Trainer leh Asst Trainer ṭha tak takten an enkawl mek a ni. Tin, hemi bakah hian Middle School leh High School zirlai hmeichhia zawng zawngte hnenah Self Defence technique zirtirna neih chhoh mek a ni.
(vii) Hnahthial District chhunga Govt school zawng zawngah infiamna hmanrua (Sports goods & equipment) chi hrang hrang sem a ni bawk.
(viii) Zirna piah lamah eizawnna tlak kut themthiamna (skill) zirlaiten an neih theihna turin Govt. H/S pariat (8)-ah leh Govt Higher Secondary School, Hnahthialah te Vocational Education – Automobile (Motor siam), Apparels Sewing (puanṭhui), IT&ITES, Agriculture course te kalpui mek a ni a, zirlaiten eizawnna tlak thiamna an neih theih ngei theih nan.
(ix) Computer leh Information Technology lama hma sawn theihna turin tunah hian Govt. Middle School eng emaw zatah ICT at Schools hnuaiah Computer set 10 zel, Printer, Projector, Web Camera pek an ni bakah Govt. H/S zawng zawngah SmartClassroom atan Smart Interactive Board / Smartboard a Screen pawh Inches 75 zet a hlai pakhat zel leh UPS lian ṭha tak pek vek an ni.
(x) NEP (New Education Policy) kalpuina tur PM Shri School atan India ram pumpuiah School 14000 thlan chhuah zingah Govt. Primary School-I, Bazar Veng, Hnahthial chu PM Shri School atana thlan tel ve a ni a. A lawmawm hle.
(xi) Zirlai naupang kum 3 – 9 inkarte tana zirna chhenfakawm leh hlimawm zawk kalpuia ‘Ziak, Chhiar leh Chhiarkawp’ an thiamna tur atan hmalakna NIPUN Bharat hnuaiah Govt. Primary School eng emaw zatah Teaching Learning Materials leh Educational Toys ṭhahnem tak pek an ni. Govt. Primary School ah Zirtirtute hman tur Tablet sem tura hma lak mek a ni.
(xii) Govt. leh Govt. Aided School a Naupangte hnenah Free Uniform leh Free Textbook pek an ni a. Tun kumah hian School Naupang 2152 te hnenah Free Uniform leh Naupang 2395 hnenah Free Textbook pek a ni.
(xiii) PM Poshan scheme hnuaiah zirlai 4692 te hnenah Chhun Chaw – Mid Day Meal tuihnai tak ni tin pek ṭhin an ni.
(xiv) Samagra Shiksha, Hnahthial District tan tun kum 2024-25 FY chhung atana hman tur sum Rs 742.39 Lakhs (Cheng Nuai Za Sarih Sawmli Pahnih Sing thum Sang kua) zet PAB in a approved a, a lawmawm hle a ni.
