Kolasib Bawrhsap Pu Robert C. Lalhmangaiha, Superintendent of Police Pu David H. Lalthangliana, Head of Offices leh Officers te bakah vawiin nia lo kal khawm mipui zawng zawng te kan ram zalenna ni Independence Day chibai ka buk a che u. A hmasain Kolasib district in minlo dawnsan danah lawmthu ka sawi duh a. kei leh ka thawhpuite min lo duat em em a, kan lawm tak zet ani. Vawiin hian kan ram tana hun pawimawh tak, hriatreng tlak lawm turin kan kal khawm a, Kan ram keimahni ke a kan din champha vawi 78-na kan lawm hian, he zalenna kan neih theih nana mi huaisen, kan ram pasaltha ten Kumpinu phuarna ata min chhuah zalen tura an inhlanna te kha kan hre reng a. An huaisenna leh an tawrhna te hi kan zah em em a, vawiin hian kan chhuan zia lantir turin kan tih theih chhun kan ti ve a ni.
He zalenna neih theihna tura, tharum thawhna tel miah lo a theihtawp a beitu Mahatma Gandhi kan hre reng a. Diklohna leh hlemhletna, Satyagraha movement hmanga India mipui te bei let tura huaisenna min pek dan te, he zalenna atana tha thawh hlawk em em tu, kan Prime Minister hmasa ber Jawahar Lal Nehru te, Indian National Army din tu mi huaisen, Subhash Chandra Bose te kan hre reng a ni.
Tin, he zalenna sual chhuahna kawnga a lang lo lama theihtawpa bei tu mi huaisen tamtak kan thinlungah an awm reng bawk a. Anni bakah mi tamtak kan ram tana an nunna hlan tu, an tha thawh a hma a ka sawi lan tak te aia a tlem bikna awm chuanglo te pawh kan hre reng ani. kan ram insuihkhawmna atana hmakhua lo thlir lawk diam tu Sardar Vallabhbhai Patel te hi kan thinlungah an reh theilo a ni.
Keini Mizo te pawh hi he Zalenna sual kawngah hian kan thawnthu hi a duai bik lo tih kan hre vek awm e. Kan hnam pasaltha te, British ral laka hnungtawlh ngai lo, mi huaisen tak tak kan nei a ni tih hre reng bawk ila.
Vawiin a Independence Day kan lawm hian keini pawh hian engnge he ram tan hian kan tih ve theih tih hi uluk takin ngaihtuah theuh Ila, kan ram leh kan hnam tan hian engnge ka tih ve theihtih te, kan economy atan hian engtin nge hlawk zawka ka thawh ve ang tih te, kan khawtlang tan leh chhuan leh zel tana chenfakawm zawk hmasawnna engtin nge ka thlen ve ang tih te hi ngaihtuah ila, mi rethei zawk te tana kan tih ve theih te, kan leilung humhalh kawngah te theihtawp I chhuah ve ang u.
Kan hruaitu kal ta ten zalenna kawnga an thil hnutchhiah hi zah ila, keimahni kawng zawh theuh a a tha ber nih kan tumna hmang hian, khua leh tui tha nih tum ila, kan district leh State hian hma a sawn phah anga, kan zavai hian kan thlah te tana ram tha zawk kan hnutchhiah theih nan theihtawp I chhuah ve ang u.
Zalenna hi a lawmna ringawtah hian a kal ral thei a, chuvangin he zalenna hi kan hmazawna hna leh mawhphurhna kan neih te hlen chhuak zel tura min fuihtu atan hmang ila. Khawtlang zalen zawk, retheihna leh in en hranna awmlohna te, mi tin tana dinchhuahna kalkawng awlsam zawk in hawnna khawtlang din tura min fuih phurtu nih tir I tum ang u.
A tawp nan, he Independence Day hi hlim leh lawm takin lawm ila, kan ram thanna kawngah mawhphruhna lian tak kan nei tih hre reng chungin, kan zavai hian thawk ho turin kan rilru hi I siamtha leh theuh ang u.
Kolasib District a Department leh office hrang hrang te hmalakna leh achievement te han tarlang dawn ila:
1. Deputy Commissioner Office , Kolasib: District enkawltu DC office te hnathawh a ropui tak zet a. Land acquisition hrang hrang ah cheng vaibelchhe 37,16,94,977 hmuh a ni a. ILP ah cheng vaibelchhe 13,48,98,000 hmuh a ni. Certificate hrang hrang ah 3482 pekchhuah niin, DM&R hnuaiah chhungkaw 507 henah chawmdawlna pek a ni.
2. Superintendent of Police, Kolasib: Kolasib DEF hnuaiah hian Ruihhlo 210.47 kgs man a ni tawh a, hei hi Rs. 6,12,09,070/- man hu a ni a. Zu hi 9661.5 ltrs man a ni tawh bawk a, Rs. 65,42,590/- man hu a ni bawk a. Arecanut hi bag 9967 man a ni tawh bawk a a man hu hi Rs 3,91,90,650/- a ni bawk. Combating Crime Against Women, POCSO Cases leh Drugs Awareness Campaign te neih thin a ni a, he Awareness hi Zirna in 12 atangin zirlai 1648 hnenah neih a ni tawh a, Kohhran hnuaia pawl hrang 4, leh N.G.O. pahnih hnenah te neih a ni tawh a, he Awareness hi a vaiin mi 2435 hnenah neih a ni tawh a ni. Tin, M.R.B. hian CSR. kaltlanga kan district Police te in lo thuam thatna ah hian ka lawm hle a ni. Heng bakah hian S.P. in Kolasib a V.D.P. tha a thlan chhuah a lawmman a pek te hi ram venhimna kawngah hmasawnna tamtak thlen zel tu a ni a a tha ka ti hle bawk a ni.
3. Additional District & Session Judge, Kolasib District: Fast Track Court Project Veng hi sak mek niin cheng nuaih 1799.85 sanction a ni a, hna hi za ah 59 % lai zawh tawh a ni a. Civil case 390 leh Criminal case 490 lai nikum khan chingfel a ni bawk a ni.
4. 1st I.R. Battalion: 1st IR Battalion te venhimna hnuaiah Mizoram General Assembly Election, 2023 leh General Parliamentary Election, 2024 te kha boruak thlamuang tak leh him takin kan nei thei a, heng bakah hian Bihar a General Parliamentary Election, 2024-ah khan Company 1 (khat) mi 67 awmna chuan election ralmuang taka hman a nih theih nan an duty te tha takin an hlen a, an chhuanzawm hle a ni. Kolasib District hi Assam nena kan in rina District a nih angin dan lova damdawi tawlh rukna te, silai tawlhruk na te, ramri chungchanga thubuai a awm chang te in mipui te venhim hna tha takin an lo thawk tawh thin a. Border outpost 7 (pasarih) leh Static Point 11(sawmpakhat) te chu hneh takin an enkawl a, heng hmun atang hian ram venhim hna an lo thawk thina, a lawmawm ka ti hle a, hna tha tak thawk chhunzawm zel turin tan la zel turin ka ngen duh a ni.
5. Zila Sainik Welfare & Resettlement: Zila Sainik Welfare & Resettlement ten sipai pensioner te, martar te nupui te, service hmeithai te a enkawl dan hi a chhuanawm hle a. Scheme leh Grant hrang hrangte hmangin sipai pension te, pension pha chiahlo a bang te, an thihsan an nupui te in tuamhlawmna hi a ropui a. Thalai 20 chuang sipai a an luhna kawnga in puihna hi a ropui ka ti hle bawk a. Hei aia let tamtak an luh theih nan tan la lehzual turin ka ngen che u a ni.
6. Office of the Superintendent District Jail, Kolasib: Jail te hi insiamthatna hmun- reformation centre leh skill upgradation hmun tak tak ah chan tir theih a duhawm hle maia. Jail bakah kan court lama kan hotute, DC te leh officer hrang hrang te pawn helamah ngaihtuahna seng tlang ila.
7. District Civil Supply Officer, Kolasib:
a)Kolasib ah hian Normal quota hi a hun taka sem a nih zel bakah residential Hostel 13 te tan Rs. 600 per Qtl a allocation hmuh ang zela pekchhuah thin a ni a. Mid Day Meal pawh hi quarterly a pek chhuah thin a ni bawk a.
b) AAY leh PHH Card neitu te tan mihring pakhat ah 5 kgs zel thla tin a thlawna sem thin a ni a.
c) One Nation One Card chungchanga Prime Minister hmalakna bawhzui nan mahni FPS nilo a ration lak a awmin a pe chhuaktu FPS hnenah a rulhletna pek thin a ni a.
d) Tunah hian Kolasib District chhunga petrol pump 10(sawm) awm te hian stock report te mumal takin Department lamah an thlen zel a, buaina dang a awmin Law & Order lam kengkawhtute hnenah a rang lama thlen thin a ni bawk.
8. Legal Metrology Office: Legal Metrology Office, Kolasib hian Kum 2023-2024 chhungin Consumer te dikna leh chanvo humhalh anih theih nan nasa takin hna a thawk a. LPG pawh buk tling tha tak kan dawn theih nan Gas lo thlengte a semna hmunah a tam thei ang ber endik thin a ni a, dan bawhchhiate hremna pek thin an ni. Heng bakah hian Retailer te pawh an buhfai semte a buk dik leh dik loh endik thin a ni a. Khawchhungah MRP aia sanga thil zuarte endik thin a ni bawk a, a tisualtute pawh dan anga hremna pek thin an ni. Legal Metrology Office Kolasib te hian Petrol pump, Dawrkai, Iron rod zuar, MRP aia sanga thil hralh man leh hrem, Tui meter leh bazar sa zuar endik hna te thawkin, unit 1328 lai an lo endik tawh a, an hnathawh hi a chhuanawm ka ti hle a ni.
9. Land Revenue and Settlement Department: in sawrkar kum kal ta chhung khan tax leh non tax ah Rs.75,63,102 an khawn a. Ram hming thlak, LSC siam, pass renew leh a dang dang 3885 an thawk a ni.
10. Urban Development & Poverty Alleviation Department: hnuaiah khawpuia cheng mipui te tana hamthatna hrang hrang kalpui zingah Housing for All te Swatch Bharat Mission te, Solid Waste Management te leh Day NULM hnuaia Component paruk te kalpui mek a ni a. Housing for All hnuaiah Kolasib District ah mi 919 in an sa zo tawh a. Kolasib District chu Garbage Free City1 Star rating ni thei tura hmalak mek a nih bakah ODF+ bi turin hma lak mek a ni bawk. Kolasib khawpui chu Aizawl tih lohvah District Headquarters zinga tawih thei lo leh tawih thei phur hramg( Segregate) hmasa berk kan ni thei hi a lawmawm hle a ni. DAY-NULM hnuaia khawpui a cheng mi harsa zawk te eizawnna leh Skill Development hrang hrang kaltlanga puih an ni thin hi a lawmawm takzet a ni.
11. Public Works Department: National Highway Division III hna thawh lai mek leh zawh dan chu hetiang hian- Khamrang to Selesih Road leh Two Lanning of NH-154 Formation cutting thawh mek a ni. Blacktop (Two Lanning) leh Concrete Pavement hna thawh mek niin Meidum to Hortoki km 3 a thui thawh zawh tawh a ni. Vairengte leh Bairabi khawchhungah Concrete Flooring hna thawh zawh tawh a ni bawk. Tlawng River Bank Protection hna 600.00 Rms a thui hna thawh zawh tawh ani. Heng bakah hian lei dawh, Culvert siam, black topping leh formation cutting hna hmun engemaw zat ah thawh mek ani.
12. PWD Kolasib Division: Meidum to Hortoki Road Phase-II upgradation ah 81.24% zawh tawh a nia, Lei dawh leh siamthat naah 41.16% zawh tawh a ni. Kawnpui atanga Bukpui kawng SASCI hnuaia mi chu 93% zawh tawh niin, Rigid Pavement from Vairengte-Bilkhawthlir-Phainuam siam chu zawh fel a ni bawk.
13. Power and Electricity Department: Vairengte Zau pasarih(7) ah electrification 100% tih niin, Saiphal Zau (Kawnpui) ah hian 95% tih a ni a. 132kV single circuit line from Bawktlang to Tuirial 2nd evacuation line 39.6 KM ah hian 60% tih tawh a ni.
14. Public Health Engineering Department, Kolasib WATSAN Division,Kolasib:
a) Achievement under AMRUT 2.0: Amrut 2.0 hnuaiah hian Town pali Kolasib, Kawnpui, Bairabi leh Vairengte ah te hmalakna a kal mek a, hmalakna tlangpui chu Distribution Line zawm belh leh thawmthatte, tuizem hrang hrang a tui chhun luhna Line siam that te, Reservoir siam thar te leh thawm that te bak ah khawl tihchangtlun hna te thawh tur a ruahman a ni.
b) Achievement under JJM: Jal Jeevan Mission (JJM) hnuaiah hian Thingtlang khaw 48 ah hmalakna kalpui a ni a, in 9038 te tan Functional Household Tap Connection (FHTC) pek vek tawh a ni a. Khaw 42 te tan tuilakhna zawh fel tawh niin, khaw 6 te hi zawh fel tep tawh anni bawk a ni.
c) Achievement under SBM – G : Kolasib District ah hian Khaw 34-ah SBM(G) hna kalpui a ni a. Kolasib Dsitrict hi ODF Plus Status ah Dt. 20.07.2023 khan puan a ni. Khaw 34 a hmalakna hrang hrang neihte chu, ODF Plus signboard tar a ni a, Community Compost Pit 100 siam a ni a, Community Soak Pit 189 siam a ni a. Plastic Segregation Bin 54 sem a ni a, Ek in neilote Ekin 973 sak sak anni bawk a. Heng hnathawhna atan hian Rs 139,13,800/- hmanral a ni.
14. Horticulture Department:
a) MIDH Scheme hmalakna ah hian Dragon Fruit te, Serthlum te, Cocoa te, thlasik thlai chi hrang hrang – Zikhlum, Brocolli, Tomato, Dhania, etc. te, Thingfanghma tiak te hi beneficiary hrang hrang te hnenah chin tura pek chhuah a ni tawh a ni.
b) C.M. Handholding Policy hnuaiah hian Cluster Approach a hmalakpui turin cluster pathum, Tuichhuahsen Zau (Kolasib), Tuisen Zau(Lungdai), Tialte Zau (Kawnpui), te thlan a ni a. Link road atan 25kms a thui laih tur a ni bawk. Heng thlai – Sawhthing, Aieng leh hmarcha te buaipui tur Multipurpose Farming Society hi Kolasib District khaw tinah dintir an ni tawh a hetiang hmalakna tha tak tak a awm hi a lawmawm hle a ni.
15. Centre Of Excellence, Thingdawl: Centre of excellence, Thingdawl sale proceed ah 3.58 Lakhs an hmuh te, Planting material atanga vaibelchhe 1.08 an hmuh te hi a lawm awm a. Tlai chi leh tiak tam tham tak an sem bawk a ni.
16. AGRICULTURE Department: Oil palm chingtute tan an mamawh phu hruk nan Rs 56,26,450/- lai sem chhuah tawh a ni a. Oil palm rah hralh chhuah zat hi Metric tonne 70 niin, kg1 ah cheng 13.5 in Godrej Pvt. Ltd. ten an lei a, Oil palm chingtute hian oil palm hralhna atang hian cheng Nuai 95 chuang an lalut tawh a ni. PM KISAN hnuaiah hian chhungkaw 6247 te’n tanpuina an dawng tawh bawk a. NFSM hnuaiah pawh hian loneitute mamawh phuhrukna turin Rs 55,29,000/- lai pek chhuah a ni tawh bawk a hetiang thilk an kalpui thei tehi aropui takzet a ni.
17. Block Agricultural Officer Thingdawl Block: Agriculture department chuan ei leh bar a intodelh turin theihtawp a chhuah a, buh leh thlai chi a thlawnin loneitute hnenah a pe chhuak thin a. tin, thlai chin leh enkawl dante zirtirna a pe reng bawk a. Nikum chhung khan PMKSY hnuaiah tui dahkhawlna 31 leh RKVY hnuaiah 5 siam a ni. Hei bakah hian VBSY programme hnuaiah Thingdawl Block chhunga khaw hrang hrangah Agriculture Department hnuaia loneitute’n hamthatna an dawn theih te hrilhhriatna neih a ni bawk a, hetiang achievement tha kan nei hi in chhuanna tham a ni.
SERICULTURE Department: Sericulture Department hmalakna hnuaia MUGA leh ERI hralhna atangin Rs 5,72,712 hmuh a ni a. Silk hi a demand a sang hle a, thingtlang mi te tana eizawnna tling a nih angin, Silk Samagra-2 hnuaia khaw hrang hranga beneficiary thlan te tihtakzeta enpuia Rural Economy khai chhuahna hmanrua ni turin Sericulture Dept. a thawk te ka chah duh che u a ni.
18. FISHERIES Department: PMMSY Scheme hnuaiah Farmer 266 thlanchhuah te hnenah tuikhuah thar Hectare 29 a zau siamchhuahna tur a thupek chhuah a ni a. Hemi Scheme hnuai vekah hian Bairabi-ah Ice-plant siam nan Rs 21.60 lakhs leh Fish KIOSK Venglai leh Diakkawn a siam nan Rs 10.80 Lakhs pek chhuah a ni bawk. Sangha chi Nuai 6 chuang 70% subsidy in farmers te hnenah sem chhuah ni in, Sangha chaw pawh 50% subsidy a lei theih turin Department chuan ruahmanna a siam thin a ni.
19. VETY Department: Kolasib hi kan ram kawtchhuah a nih angin ran lut leh chhuak a tamin, AH&Vety Dept. te an pawimawh lehzual hle mai a. 2023-2024 hian ran 9,61,668 zet endik a ni a. Ran vulhte hnenah ran enkawl dan chungchang awareness leh training pek a ni thin te, ran chi tha tihpun kawnga an hmalakna te, mipui ten Animal Husbandry chungchanga hmasawnna kan neih theih nana Calf Rearing farm, Pig Multiplication Farm leh Poultry Farm an din te hi a tha ka ti takzet a ni.
20. Irrigation & Water Resources Department:
a) Kumin chhung hian PMKSY hnuaiah surface Irrigation Project 5 (panga) ah hmalak a ni a. Chhungkaw 141 leh ram 264 Ha a zau a chawm thei tura ruahman a ni.
b) Tin, PMKSY hnuaiah vek hian Groundwater Irrigation Project pahnih siam niin, heng project te hian chhungkaw 35 leh ram 61 Ha a zau a chawm thei tura ngaih a ni bawk.
c) NABARD RIDF -27 hnuaiah CADWM Project 6 (Paruk) thawh a ni a. Leilet laih leh siamrem te, terrace laih, irrigation canal leh pipeline siamthat leh reservoir siamthat hnate thawh a ni a. Hetianga hmalakna tha tak tak tam tak thawh mek a awm hi a lawmawm takzet a ni.
21. FOCUS: U.N hnuaia kan Project pawimawh FOCUS hian Kolasib District bul a khua zawng zawng a tuam hi kan vannei hle mai. Hmalakna hrang hrang 41 hnuaiah household 11,539 te tuam an ni a. Ram Hectare 4636 cover a ni bawk. Training leh thil sem mi 6014 an awm tawh bawk a ni. FOCUS hnuaiah hian Artui awp keu hna leh vawk chi dahthat hna kalpui a ni a, mipuiin an chhawr hle a ni.
22. Land Resources Soil and Water Conservation Department: RKVY leh NABARD hnuaiah Meidum, Rengtekawn, Sipum, Darnamzau leh Kawnpuiah Soil Conservation hna thawh a ni a. NABARD hnuaiah vek hian Broom warehouse Saipum leh Rengtekawnah thawh tum mek a ni.
23. HEALTH DEPARTMENT: Kolasib District ah Maternal Death leh Malaria vanga thi kan neilo hi achievement ropui tak a ni a. Kolasib District chhungah hian raipuar 100% register a ni a. Raipuar register zawng zawng zinga 98.56 in a TD vaccine an la a, raipuar zinga 96.8% in damdawiinah nau an nei a a Percentage a sang hle mai a, Kolasib a District Family Health Welfare te chungah lawmthu ka sawi a ni. PHC leh HWC building engemawzat sak thar a ni bawk.
District Medical Superintendent:
Dialysis khawl regular taka hman a nih theih nana Power Supply a khaihlak loh nan Power backup thar lei a ni a, hei pawh hi achievement tha tak a tling a. Laboratory ah hian test hrang hrang 37,950 neih a ni tawh a, ABPMJAY Health Care Scheme atangin Rs 5,86,180/- man leh kum 70 chunglam te tan Rs 1,38,430/- man a thlawna test sak tawh a ni a, External Quality Assurance Scheme (EQAS) chuan District Hospital, Kolasib chu, Serum Creatinine Test ah Grade A (Excellent) min pe a, Voluntary Blood Donation Camp hi 2023-2024 chhungin vawi 42 buatsaih a ni tawh a, a percentage hi 95.73% a ni a, unit 1234 lai kan pe chhuak a, a ropui ka ti takzet a ni. Aizawl atangin Specialist chah thin a ni a, thla khatah vawikhat Free Clinic buatsaih thin a ni te hi practice tha tak a ni a. Tunah hian District Hospital, Kolasib hi khum 100 dawng thei tura chak taka sak mek a ni bawk a, a zawh theih hun a nghahhlelhawm tawh hle a ni.
24. School of Nursing, Thingdawl: Kolasib kan vanneihna chu Nursing School tha, Thingdawl ah kan nei hi a ni a. He School atang hian zirlai leh result tha kan nei thin a a lawmawm ka ti hle mai. Upgrade tura hmalakna te pawh hi Sawrkarin tunah hian a buaipui mek a ni.
25. Krishi Vigyan Kendra (KVK) Kolasib:
a) Krishi Vigyan Kendra, Kolasib District a, ‘A’ Category KVK kan nei hi a lawmawm takzet a, India rama KVK tehna a Category sang ber ‘A’ Category ni pha Kolasib in kan nei hi a lawmawm takzet a, a thawktu te an chhuanawm takzet a ni.
b) KVK Kolasib hi Zone VII KVK aiawh turin CAU-Regional Agri Fair, Imphal a neihah an thlang a, he exhibition ah hian lawmman pakhatna an dawng a.
c) Tin, 5th International Conference on Global insights on Research and Development in Agriculture, Horticulture and Allied Sciences chuan Dr. Michelle C. Lallawmkimi chu Best KVK Scientist Award a hlan a, Indian Society of Agriculture and Horticulture Research Development, Chandigarh chuan “Outstanding Achievement Award” a hlan leh bawk a, hetiang mi kan nei hi ka chhuang a, a lawmawm ka ti hle a ni.
d) Kum 2023 chhung khan farmers te tana training sawmnga panga lai subject hrang hrangah neih a lo ni tawh a, Prime Minister Flagship programme leh programme dang pawimawh tak tak te hi zanga (500) hman a ni bawk a.
e) U.N. in 2023 kha “International Year of Millets” a puan avangin KVK Kolasib pawhin farmers thlan bik te hnena trial hlawhtling tak an nei thei hi a tha ka ti hle bawk a.
f) Chemical tel lo a buh leh thlai enkawl pawh farmer thlan bik te nena hlawhtling taka kalpui a ni thei hi ka lawm em em bawk a ni.
g) KVK Home Science hian pawl anga nuho insuihkhawm te leh Self Help Group te hnenah Skill development programme hrang hrang an kalpui a, inzirtirna hun tha tak tak an nei thei hi ka lawm hle bawk.
26. ICAR: Kolasib kan vanneihna chu ICAR te kan nei leh zela. An ni hian research an rawn bei mawlh mawlh reng a. Kan ram sik leh sa mila buh chin tur thate an identify a lei hriselna leh a hnawn dan te an zirchhuak bawk a. Zo kel leh Zo bawng te an zir chiang a hengte hi Special Breed (Chi bik nei) a puan an an nih theih nana an hmalakna te hi a phurawm em em a, loneitute training an pe thin te hi ei leh bara kan intodelh na kawngah a pawimawh em em a ni.
27. Education Department: District Education Office hnuaiah Kolasib District a School 129 te chu State Education Achievement Survey hnuaiah hlawhtling taka Survey an ni a. Mizoram Secondary School Games 2023 a Kolasib district te a pumpuia pathumna an hauh thei hi a lawmawm hle a ni. HSLC leh HSSLC-a Kolasib District in result tha tak kan nei hi a lawmawm a. Pass percentage 90% tal nei thei tura tan la turin DEO leh School Principal te tan la turin ka sawm che u a ni. ZPM sorkarin zirna a ngai pawimawh a, Kolasib District tan Casual Teacher 141 tunhnaiah kan dah a ni. Pu Lalthianghlima Govt. Diakkawn High School Kolasib chuan Zirtirtu tha chawimawina National Teachers Award 2023 a dawng hi ka chhuang takzet a ni. District Level Children’s Science Congress leh Mathematics Summer Camp neih a ni hi a lawmawm takzet a zirlai te tan an thiamna belhchhahtu a nih ngei ka beisei. Naupang 8741 School Uniform Grant pek a ni a, naupang 9681 hnenah Book Grant pek a nih bakah, School 173-a naupang 11,012 te hnenah chaw chhun ‘Mid Day Meal’ pek thin an ni.
28. Govt. Kolasib College: Govt. Kolasib College ah hian thawktu regularise leh lak thar an ni a, College hmasawnna atan a tangkai hle ka ring a. College a NCC din a ni ta hi a lawmawm ka ti takzet bawk a. NCC hian discipline leh thiam thil tamtak min zirtir bakah sipai a luhna kawng tha a hawng bawk a. Zirlai te hian a theih ang a hmang tangkai turin ka chah duh che u a ni.
29. DIET: DIET Kolasib hian Semester khatah zirlai 50 a dawl a, zirna in tha tak a nih angin seat te hi a full thak thak thin hi a lawmawm hle a ni. Seat hi indaihloh ana ve angreng thin a, a full hneh thei hle a ni. DIET Auditorium sak zawh tawh leh boys hostel sak mek te pawh tangkai taka man a nih ka beisei.
30. Social Welfare and Tribal Affairs Department: Jordan Centre, Sethawnah hian enkawl lai mi 648 awmin, mipa 580 leh hmeichhia 68 an awm mek a. Lirthei siamna kawngah te, khawl thil khawih dan te leh Music ah te in zirtirna programme hrang hrang buatsaih thin a ni a. Vocational Training Centre (VTC) Kolasib, chu ni 25 February, 2021 atang khan an enkawl bawk a. SW&TA hnuaia NSAP Scheme hnuaiah hian tar pension mi 991 hnenah thla tin cheng 300 pek an ni tawh a, Kum 80 chunglam mi 378 hnenah thla tin cheng 500 pek an ni bawk a. Widow pension mi 166 leh Disability pension mi 48 hnenah pek an ni bawk a. Hetiang Scheme tluang taka kalpui theih a ni hi a ropui ka ti hle a ni.
31. District Programme Office, Women and Child Development, Social Welfare & Tribal Affairs Department:
a) Anganwadi Centre 137 hnuaiah hian beneficiary 9677 lai an awm a. Chhungkua, hnathawhna leh khawtlanga hmeichhia hleilenna leh kutthlak tuarte tana tlukluhna One Stop Centre(OSC), Vengthar a din a ni hi a tha ka ti hle a. Case 128 lai chinfel tawh niin beneficiary hi an vaiin mi258 an ni bawk a.
b) Swadhar Greh, hmeichhia kalna leh awmna neilo mi 50 tana awm theihna hmun hi Kolasib leh Vairengteah din a ni bawk a, helai hmuna awm te hi thla tin an bank account ah Rs 500/- dahsak thin a ni hi a tha ka ti hle a ni.
c) National Nutrition Mission (Poshan Abhiyaan) hian naupang, tleirawl nu naupai leh naupawm ten eitur tha an neih theih nana India ramin hmachhawp a neih niin Kolasib ah hian beneficiary 9,667 an awm mek bawk a hetiang hmalakna kan nei thei hi a tha ka ti hle a ni.
32. RURAL Development Department :
a) District Rural Development Office: Kolasib District ah Job Card 20,815 awmin tun kum kal laiah hian ni 31 inhlawhna siam a ni tawh a. Hna kal lai 13,230 ah 572 tih loh chu zawh vek a ni tawh a ni. MNREGS hi thingtlang mipui te innnghahna, an sum lakluh belhchhah tu a nih rualin durable asset kan tih, hmanna ruhrel tlo leh rintlak din a nih tel angin helamah pawh hian tan la zel ila. SRLM lam hi Central Sorkar hian a hawi na telh telh a. Self Help Group 62 ten loan Nuai 271.5 lai la in mahni ke a din an zir mek a ni.
PMAY(G) Scheme: Kum 2023-2024 Financial Year ah insak tanpuina mi 903 te hnenah pek niin, Bilkhawthlir Block ah mi 621 leh Thingdawl Block ah 282 te an ni. 1st Installment dawng tawh hi mi 899 awmin, 2nd Installment dawng hi mi 122 an awm tawh bawk a. In sak tanpui nan hian 756.73 Lakhs hman a ni tawh a ni.
b) EXTENSION TRAINING CENTRE: SIRD hmun thin a ETC changtlung tak kan nei thei hi a lawmawm ka ti hle a, SIRD Directorate kaltlang hian State sawrkar ah revenue engemawzat chhunluh ve tawh a ni. ETC chuan Village Council-ten Village Development plan an siamna kawngah training tha tak a pe thin a, mipui te tan Skill Development training a pe thin chu mahni intundinna atana thil tangkai tak a ni a heting hmun tangkai tak kan nei hi a lawmawm ka ti hle a ni.
33. Cooperation Department: Kolasib District ah hian Cooperative Society 104 a awm mek a. Cooperation Department kaltlangin hmasawnna leh intodelhna hna hrang hrang an kalpui mek a. Kan District a Cooperative Society te working capital hi Nuai 498.14 lai a ni. PMJVM hnuaiah society 10 te thlanchhuah an ni a. Anni hi VDVK mentoring agency atan ruat an ni. Hetiang hmalakna tha a awm hi hmasawnna lian tak angah ka ngai a, ka lawm hle a ni.
34. District Information & Public Relation Office, Kolasib District achievement report: Social media leh private a thuthar buaipui tur kan neih tam tak ah phei chuan I&PR te Information hi a hlutna zual a, a zual zel dawn bawk a ni.
35. Commerce & Industries Department: PMEGP Loan 388.06 Lakhs pek chhuah a ni a. Check Gate atangin 32.37 Lakhs hmuh a ni bawk. Market Revenue ah hian 6.57 Lakhs hmuh a ni a. Flatted Factory Complex siam nan Ministry of MSME atanga 14.99 Cr sum hmuh chu 35% zawh tawh a ni.
36. Sports & Youth Services Department: hian Kolasibah Sports academy pahnih a enkawl a, heng Sports academy ah hian naupang 30 ve ve dah niin National level ah te hian players tamtak an lo thawn chhuak tawh a ni. Regional Sports Training Centre atangin naupang pathum te chu AIFF, FIFA Talent Academy Bubhaneshwar a awmtura thlan an lo ni tawh a ni. Kolasib District in Nl Lalremsiami Olympian leh National Senior Team a tel pha kan nei hi inchhuanna tham a tling a ni. Cindy Lalparmawii, Saidan Kolasib chuan ASMITA Khelo India Women Weightlifting-ah Junior ah Gold Medal leh Senior ah Bronze Medal a la a, a chhuanawm hle mai.
37. Kolasib Forest Division, EF&CC Department: Kolasib Forest Division hnuaiah hian Scheme pawimawh tak tak:
1. Green India Mission
2. Compensatory Afforestation Fund Management and Planning Authority (CAMPA) scheme
3. Nagarvan Scheme
te neih a ni a. Heng scheme hian kan ram leilung humhalhna kawngah nasa takin min pui ani.
Forest Division hian mei kawng 6 km a siam a, he mei kawng 6 km a thui hi a thuamthatna leh a venhim hna hi tha takin an thawk reng bawk a. Kolasib District chhungah hian Forest Check Gate 5 (panga) a awm a. Thing leh mau lakluh leh hralhchhuah chungchangah dan lova che an awm leh awm loh an check reng a ni. Tin, Green Mizoram programme hman a nih lai hian thing leh mau chi 6353 lai 2024-2025 chhung hian sem chhuah a ni tawh a. Source hrang hrang atanga kan hmuh danin Forest hnuaia kum 2023-2024 chhunga revenue khawn khawm tawh chu Rs 1,57,58,053/- a ni a. Hetiang hna tha tak Kolasib Forest Division in a thawk thei hi a lawmawm a ka chhuang hle a ni.
38. District Transport Office: Kum 2023-2024 chhung hian D.T.O Kolasib chuan Rs. 7,28,43,461/- lai sawrkarah revenue a chhung lut a, lirthei hi 1685 register niin, Driving Licence 452 lai issue a ni bawk hi a tha ka tiin a lawmawm ka ti hle.
39. Economics & Statistics Department: Kolasib ah hian Registrar of Birth & Death hi 45 awmin, Thi leh piang zat chhinchhiah a ni a. Statistics leh data te hi Planning bul thut a nih angin uluk taka lakhawma, tun aia tangkai zawk a kan hman thiam a tul a ni. D.R.O. Office hian heng:
1) Monthly Data on Industrial Production.
2) Annual data on Farm harvest prices of major crops
3) Weekly data on Wholesale & Retail Prices of goods
4) Agriculture Census
5) Economic Census
6) Socio-economic Survey
Te hi buaipuiin an hmalakna te hi Kolasib hian hma kan sawn puiin kan hlawkpui hle a ni.
40. EXCISE and Narotics Department:
Revenue lak khawm zat hi cheng Nuai 19,00,709/- a ni a. Zu thahnem tak man niin, ruihhlo hi heroin gram 1968.3 leh ganja 9.6 kg lai man a ni. Two wheeler bik hi 1 man ni in, LMV hi 5 ngawt man a ni. NDPS Act,1985 hnuaiah mi 15 man niin, case 12 lai ziah luh a ni a, MLP Act,2019 hnuaiah mi 1899 man niin, case 1887 ziah luh leh a ni bawk.
Mizoram Sorkar hian Ruihhlo Do beihpui a thlak mek a. Chumi tihlawhtling tur chuan Excise & Narcotics Department a thuam chak chho zel a, zu leh ruihhlo dotuber a nih avangin Department mamawh hrang hrang pawh theih ang angin a ngaihtuah mek a ni. Chief Minister in Excise & Narcotics Department leh kohhran hrang hrang thalaite ko khawmin ruihhlo do chungchang an sawi ho a. Hemi hnu hian Aizawl leh District hrang hrangah tlawmngai pawl, kohhran leh sawrkar mi pawimawh te nen ruihhlo do kawnga inkawmna buatsaih tum a ni a, kalpui mek a ni. State Level Core Committee on Ruihhlo Do chu chak zawka kalpui turin CM hoin tihnun thar leh a ni a, hemi hnuaiah hian Working Committee on Ruihhlo Do chu ram puma ruihhlo dona kawnga ke pen turin din a ni a, District leh Village level-ah pawh ruihhlo do pawl hi din vek tura tih niin he ruahmanna hi a kal mek a ni.
41. Taxation Department:
Deputy Commissioner of State Tax, Kolasib Zone, hian 2023-2024 chhungin
Goods & Service Tax (GST) - Rs. 23,66,38,027 /-
Mizoram Value Added Tax/POL - Rs. 5,02,07,021/-
Profession Tax - Rs. 99,29,631/-
Grand Total - Rs. 29,67,74,679/-
42. DLAO, (LAD) Kolasib hian 2024-2025 chhung hian,
a) XV Finance Commission Grant :
XV (15th) Finance Commission Grant atangin kum 2021-2022 1st Instalment ah Rs. 323,53,470/- hmuh a ni a, hna te thawh zawh tawh a ni a. 2nd Instalment Rs. 323,53,470/- dawn a ni a, V/C te account-ah transfer tawh niin hna an thawk mek a, 70% in hna an thawkzo tawh a, 30% hna kallai mek a la awm a ni.
XV Finance Commission Grant atang hian V/C ten khawtlang mamawh hrang hrang; Step, PCC Flooring, Retaining Wall, Bridge etc., sanitation lam hawi leh water harvesting lam hawi te an thawk a, khawtlang ah hmasawnna tam tak hmuh theihin a awm a, an tangkaipui hle a ni.
b) Rashtriya Gram Swaraj Abhiyan (RGSA) :
Rashtriya Gram Swaraj Abhiyan (RGSA) Scheme hnuaiah hian Panchayat Bhawan repair nan Rs. 52,70,000/- dawn a ni a, V/C House 14 repair a ni. A thar sakna (New Construction) atan hian Rs. 2,60,00,000/- dawn a ni bawk a, V/C House thar 19 (sawmpakua) sak zawh tawh a ni a, sak lai mek 3 (pathum) a awm a ni a, chungte chu (Zanlawn, Rengtekawn V/C leh Bilkhawthlir North) te an ni a, an ni hian Rs. 20,00,000/- theuh an dawng a,a vaiin in Rs. 60,00,000/- dawn a ni a, Bilkhawthlir North V/C leh Zanlawn V/C te hian Panchayat Bhawan hi sa zo tawhin Rengtekawn V/C te hian hma la mekin an sa zo ve tep a ni. Heng khaw pathumte bakah hian khaw dang pathum (viz :- Bukvannei, Khamrang, N. Chaltlang - II V/C te hi Panchayat Bhawan sakna tur sum Rs. 60,00,000/- ruahman niin sum hi hmuh thuai beisei ani.
Ka lawm e.
