DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/hnahthial-kuthnathawktuten-an-cocoon-thar-sericulture-department-hnenah-hralhp

Hnahthial Kuthnathawktuten an Cocoon Thar Sericulture Department Hnenah Hralh

No.1560/2021-2022

Hnahthial the 26th July, 2021 - Hnahthial District chhunga pangang khawitute chuan kumin 2021 atan a vawi 3 nan vawiin atang khan an thar chhuah Cocoon te chu Sericulture Department-ah an hralh tan.

Hnahthial District chhungah hian Pangang khawi chhungkua 160 awm mekin chhungkaw 5 te chuan Muga (Nauthak) pangang an vulh a, chhungkaw 155 te hian Mulberry Pangang an vulh bawk a ni. Vawiina Sericulture Department-in a lei sak te hi Model Veng leh Rotlang East atanga Chhungkaw 4 tharchhuah Mulberry Pangang niin a vaiin 52kgs a ni a, kg khat hi Rs.300 in an lei sak zel a ni.

Hnahthial-a Sericulture Department hotute chuan Pangang khawitute hnenah hian a chi leh In sakna bakah damdawi leh hmanraw hrang hrang a thlawn veka an pek thin thu sawiin kum khatah vawi 4 a Cocoon thin a, chungte chu harsatna engmah awm lovin an lei sak vek zel tih an sawi bawk a ni.

Attachment