No.1561/2021-2022

Lunglei the 26^th July,2021: Vawiin chawhnu khan Lunglei DC Conference Hall-ah DC Pu Kulothungan A, IAS, kaihhruaiin Lunglei District chhunga Vegetable Supply Chain kalpui dan tur ruahmanna chungchang sawihona meeting neih a ni. Vegetable Supply Chain in a tum ber chu Lunglei District chhunga khaw hrang hrang-a thlai thar lak chhuah leh hralh chungchanga ruahmanna felfai tak siam a ni. He sawihona ah hian Lunglei District Vegetable Supply Chain Working Group (Agriculture, Horticulture, Fishery, Veterinary)-te, Police, Incident Commander-te leh veng hrang hrang aiawh VLTF  te an tel  a ni.

Pu Kulothungan A chuan Lunglei District chhunga loneitu ten an thlai thar te an hralh chhuah theih nan leh Covid-19 hrileng avanga inkhuahkhirhna kalpui laia Lunglei mipuiin thlai lama harsatna kan tawh loh nan Vegetable Supply Chain chu kapui tum anih thu a sawi a. Covid-19 SoP zawm chunga Vegetable Supply Chain Working Group te hmalaknaa kalpui tur niin veng hrang hrang VLTF ten nena inberawn a uluke taka ruahmanna siam turin Working Group member-te chu a chah a. Lunglei District chhunga hnianghnar taka kan supply theih loh te chu District dang atanga lak luh dan ngaihtuah turin Vegetable Supply Chain Working Group te a chah bawk a ni. Vegetable Supply Chain  hi kalpui nghal tum niin hripui len dana zirin kalpui zel dan tur ngaihtuah that leh a ni ang.

Pu Zomuana, Community Institution & Rural Livelihood Expert, Agriculture Department-in a report danin Vegetable Supply Chain Working Group chuan District chhunga khaw hrang hrang loneitute thlai leh  thei tharchhuah te Lunglei khawpui ah lalutin veng hrang hrang VLTF te hnenah an hralh anga. Heng VLTF te hian anmahni veng chhung theuhah a remchan dan angin mipui hnenah anlo hralh chhuak ve leh dawn a ni. Thei rah te pawh District chhunga kan neih bak chu District dang atanga a remchan dan a zira lak luh dan ngaihtuah tur a rel a ni bawk a ni.  Sa leh sangha lampang pawh VLTF ten anmahni veng  chhung a zuar thin te kaltlanga zawrh dan ngaihtuah ni se tih vawiin meeting chuan a rel a ni. Horticulture Office building ground floor chu thei leh thlai lo thleng te dah khawm leh semchhuahna hmun atan ruat a ni.