4132/2024-2025

Dated Hnahthial, the 7th February, 2025 : District Level Committee on Fire Prevention (DLCFP), Hnahthial District meeting thuchhuak in a rel angin kangmei laka Hnahthial District mipui te kan lo him zel theih na turin Hnahthial Bawrhsap, Pi Rita Lalnunmawii Pachuau chuan thupek a chhuah.

ORDER

(Under Section 163 of Bhartiya Nagarik Suraksha Sanhita, 2023)

District Level Committee on Fire Prevention (DLCFP), Hnahthial District meeting thuchhuak in a rel angin kangmei laka Hnahthial District mipui te kan lo him zel theih na turin thupek chhuah tulin hriat a ni a.

Chuvangin, kei, RITA LALNUNMAWII PACHUAU, District Magistrate, Hnahthial District hian Section 163 of Bhartiya Nagarik Suraksha Sanhita, 2023 in thuneihna min pek angin hetiang hian thupek ka chhuah e:

1. Mi tumahin mei kawng sial tha tawk lovin lo, huan leh leipui an hal tur a ni lo.

2. Mi tumahin ramhnuai leh khawchhunga an meichhem te timit tha lovin an kalsan tur a ni lo.

3. Hnahthial District chhunga Silai nei ten kangmei chhuah awlsam hunlaiin ram lama Silai ken chhuah loh fur a ni.

4. Hnahthial District chhunga lo, huan leh leipui hal tur ten Tahrik 15.03.2025 ral hma a hal vek tur a ni.

He thupek zawm lo chu Section 223 of Bharatiya Nyaya Sanhita, 2023 hmanga hrem an ni ang a. He thupek hian chhuah anih atanga thla 2(hnih) chhung a huam ang.

He thupek hi Court Seal nemin vawiin February ni 07.02.2025 hian hming ka ziak hnan e.