No.2500/2021-2022

Aizawl 6th October 2021: District Level Wildlife Crime Control Sub-Unit Hnahthial chu vawiin khan an Chairman leh Superintendent of Police ni bawk Pu Lalbiakkila kaihhruaiin a Offfice Chamber-ah an thukhawm a, an hmalak tawhna thlir kirin hmalak chhunzawm dan tur an ruahman a ni

Meeting kaihruaitu SP Pu Lalbiakkila chuan Ramsa leh Nungchate hi leilunga mihringte chenpui atana Pathian in duh taka a siam a nih thu leh an tel lovin mihringte pawh rei tak kan nun khawchhuah theih bik loh thu sawiin "Ecological balance awmtheih nana humhalh hi mitin mawhphurhna a ni" tiin 67th National Wildlife Week hman mekah hian Hnahthial District chhunga Nungchate leh ramsate humhalhna chak zawka hmalak a tul thu a sawi bawk a ni.

Meeting chuan Ramsa leh Nungchate humhalh kawnga mipuite zirtirna Video tawi siam nise an ti a, National Wildlife  Protection Week 2021 pualin Hnahthial khawpui kawtchhuah hmun hnihah Ni 8.10.2021 hian nilenga duty nise an tih bakah Ramsa leh Nungcha humhalh kawnga dan bawhchhia man te chu an hmanraw hman leh an tih hlumte pawh man sak nghal zelin Hnahthial Police Station-ah dah that zel nise an ti. 

Tun hnaiah Hnahthial District atangin Honorary Wildlife Warden atan Govt Hnahthial College-a Asst.Prof. Dr.K.Lalzuimawia ruat a ni chu District Level Wildlife Crime Control Sub-Unit Hnahthial chuan lawmawm an tih thu meeting-ah hian tarlan a ni bawk.



Attachment

  • Loading attachment...