2259/2024-2025

Dated Hnahthial the 27th September, 2024: District Aids Prevention Control Committee (DAPCC) leh Mizoram State Aids Control Society (MSACS) tangkawp buatsaih, Hnahthial District level Red Ribbon school quiz competition chu Horeb Lodge Conference hall-ah neih niin he hunah hian Intensified IEC Campaign - India Fight Against HIV&STI kharna hun hman nghal a ni.

He hun hmanpuitu DIPRO, Pu F. Lalrinfela chuan thu sawiin hetiang hun tha tak mai MSACS leh DAPCC-in an buatsaih thei chu lawmawm a tih thu a sawi a. Quiz competition atanga lang chiang em em mai chu tunlai zirlai naupangte an bright zia leh thiamna lama an san tawh zia a ni a ti a. Zirlai kalkhawmte fuihna thu sawiin khuareia an inchhir loh nan HIV leh STI lakah inveng tha a, an hma hun eng tak chu tichhe lo turin a chah a. Inchhir ai chuan tih chhin loh chu a pawimawh thu sawiin an nunkawng engkimah nu leh pa leh zirtirtute thu awih a, mahni chhia leh tha hriatna fim tak hmang reng turin a chah a. Zirlaite chu lehkhabu thiamna ngawt ni lo, chhawr tlak tak tak thiamna nei tura fuihin chumi atan chuan heng programme ang te a in hman hi a tangkaiin a pawimawh thu a sawi a ni. Function lo la awm leh zel turah pawh zirlaite leh zirtirtute nen inlungrualna tha tak nena thawh ho zel a beisei thu a sawi bawk.

He quiz competition-ah hian school panga telin Round hnih neih a ni a. Inelnaah hian zirlaite chu HIV kaihnawih te, General Knowledge te, visual round-te leh an zirlai kaihhnawih zawhnate zawh an ni a. Round khatnaah final a lut tur zawnna neih niin St. Stephen's School leh Govt. Southern High School te inelin Round hnihnaah St. Stephen's School chu an lut a.

Round hnihna leh final round ni bawkah school pali inelin a final result chu tiang hi a ni:

1st Prize: Govt. Higher Secondary School 

2nd Prize: FD Higher Secondary School 

3rd prize: St. Stephen's School 

Consolation prize: Govt. High School 

Pakhatna atanga pathumna hian pawisa fai, certificate leh trophy dawngin consolation prize-ah hian pawisa fai cheng 2000 an dawng bawk a ni.

He MSACS leh DAPCC buatsaih, District level Red Ribbon school quiz competition neih zawh takah hian Intensified IEC Campaign - India Fight Against HIV &STI 2024 chu kharna hun neih nghal a ni.