1506/2023-2024

Hnahthial the 15th August 2023: India Independence Day vawi 77-na chu vawiin khan India ram hmun dangte rualin Hnahthial HDFA Turf Ground-ah ropui taka lawm a ni a. Khuallian Dr R Lalthangliana, Health & Family Welfare Minister chuan zing dar 10:00 ah India Hnam Puanzar pawt pharhin Parade Contingent 10 te chibai a chhang let.

Khuallian Minister chuan zalenna champha lawm tura kalkhawmte leh Hnahthial district mipui zawng zawngte chibai bukin duhsakna a hlan hmasa a. India ram zalenna chu kum tam tak sual niin mi tam takin an nunna hlu tak an hlan a, an thatlai hunte hlanin mi tam tak chuan tan in (jail) ah an vanglai hun an hmang ral bawk a, tuna thangtharte chuan zalenna sualtute inpekna leh an tawrhnate zah thiam a, an inpumpekna leh mahni hmasial lova an inhlannate hre thar turin a duh thu a sawi a ni.

Hnahthial district mipuiten sawrkar chunga rinna an nghah ngam avangin lawmthu a sawi a; Kum 5 dawn lai an sawrkar chhunga hmasawnna hna tam tak thawk hmanin, Hnahthial district pawhin kum 4 hmel a hmu ve ta reng mai a, district thar a nih vangin vawilehkhatah engkim a tihfel theih loh a, harsatna tam tak karah a tihchangtlun hna thawh mek zel a ni, a ti.

Minister Dr R Lalthangliana chuan hmasawnna atana sawrkar hmalakna hrang hrangte tarlangin hetiang hian Independence Day lawmna ah hian thu a sawi a ni;

Kum 2 chhung Covid-19 hrileng in a chenchilh bakah harsatna hrang hrang Vawk pul hri, ramri buai, Lirnghing leh thil dang ten a tlak buak chungin hmasawnna tam tak hmuhtheih a ni. Chutiang hmasawnna chu Hnahthial District/South Tuipui bial-ah ngei pawh hian Cheng Vaibelchhe tel man hmuh tur awm mekin a zawng zawng erawh tun hunah hian sawi sen a ni lova, a tlangpui han tarlang ila :-

1) Hnahthial District bawrhsap Pisa tur chu Rs. Nuai 1000 sengin sak mek a ni a, zawh fel thuai beisei a ni.

2) UD&PA Dept hnuaiah District Urban Development Officer Office paw Rs. Nuai 70 sengin sak a ni a, hawn mai theihin peih a ni tawh.

3) District AH & Vety Hnahthial-ah pawh Cheng Nuai 250 sengin Hospital cum Labo-ratory, DVO Quarters leh VO Quarters sak mek a ni.

4) Mizoram hmun danga awm ve lo Integrated Industrial Promotion Centre (IIPC)
tur pawh Cheng Nuai 846 sengin sak mek a ni.

5) Chief Medical Officer Office tur pawh Cheng Nuai 330 vel sengin sak zawh thawkhat a ni tawh
Cheng Nuai 153 chuang sengin

6) District Rural Development Office sak zawh tawh niin luah mek a ni a, Cheng Nuai 133 chuang sengin Project Director Quarters tur leh Cheng Nuai 137 chuang sengin Quarters sak mek a ni bawk

7) Agriculture Department hnuaiah Cheng Nuai 150 sengin Ware House sak zawh tawh a ni
8) Tuna hun kan hman mekna Cheng Nuai 682 chuang senga siam Phullem phah Mual pawh hi Sorkar hmasa khan zo fel hman lovin an kalsan a, NEC lamin fund an rawn ti tawp zui nen, theihtawp chhuaha kan beih hnuin peih fel a lo ni ta a ni.

9) Cheng Nuai 700 sengin School of Agriculture Sciences (SAS) ah Administrative building, Academic Building leh Girls Hostel Building sak zawh taw niin luah mek a ni.

10) Kan sorkar tan tirh khan UD&PA Dept hnuaiah Cheng Nuai 408 chuang sengin Hnahthial khawpui chhung veng hrang hrangah Side drain, Retaining wall, Culvert, PCC Flooring te siam a nih bakah Sa-ang ramah Cheng Nuai 60 sengin Solid Waste Management Centre din a ni bawk.

11) Special Assistance to States for Capital Investment (SASCI) sum Cheng Nuai 600 sengin Tarpho - Aithur, Takam Tiau kawng leh Tuichang kawngah te PCC Flooring Retaining wall leh Hume pipe phum hnathawh mek nin hna thenkhat chu zawh ni tawh bawk.

12) South Tuipui bial chhung mipui ten Tui in tur thianghlim hnianghnara an hmuh theih nan PHED Hnahthial WATSAN Division chuan JJM hnuaiah Cheng Nuai 613 chuangin hna an thawk mek a ni.

13) Govt Higher Secondary School, Science building chu Cheng Nuai 155 chuangin sak mek a nih bakah Hnahthial khawpui chhung bikah Zirna In hrang hrang tih changtlunna nen Cheng Nuai 187 chuang a ni.

14) Hnahthial khawpuiin kan mamawh em em Circuit House paw Cheng Nuai 310 vel senna turin hnathawh kalpui me a ni.

15) Hnahthial leh a chhehvel mipui ten Power supply kan hmuh that theihna turin 132 kV Power Sub-Sation dinna turn Cheng Vaibelchhe 43 chuan ruahman nin tunah hian hmalakna kalpui zel nin Land lease pawh tih fel tawh a ni.

16) Khawhri - South Chawngtui kawng chu Cheng Nuai 1280 chuang sengin PCC Flooring hnathawh mek a ni.

17) Cherhlun - Ngharchhip kawng paw Cheng Nuai 557 chuang sengin siam a ni bawk.

18) Cheng Nuai 100 sengin Cherhlun - Tiau kawng laih tlang a ni.

19) Ka bial chhung Tuipui ral khaw hrang hrang Darzo, S.Vanlaiphai, New Kawnpui, Lungpuitlang, Muallianpui, leh South Lungleng khua ah te hian tun sorkar kal mekah Cheng Nuai 1200 chuang man hmasawnna hrang hrang hnathawh tawh a ni.

20) Tuiphai ral khaw hrang hrang Cherhlun, Ngharchhip, New Ngharchhip, Thingsai leh Bualpui H khuaah te pawh Cheng Nuai 1454 chuang man hmasawnna hnathawh hrang hrang hnuhluh tawh a ni bawk.

21) Govt. Hnahthial College tih changtlun nan RUSA atangin Cheng Nuai 400 hmuh niin New Building (Block B), Library Building Extension, Principal Room Extension(Verti. & Horizontl), Retaining wall, Fencing leh College bungraw mamawh atan te hman a ni.

22) Hei bakah hian Chhimlam tlangdungte inkalpawh awlsam nan Tuipui D ah Cheng Nuai 9100 senga lei dawhna tur peih fel thawkhat tawh a ni a, Bualpui H - Pangkhua inkal pawhna tur pawh Cheng Vainelchhe 111 ruahman niin Hnahthial District Hospital sak nan Cheng Nuai 1700 tih fel tawh a ni bawk.

DISTRICT PISA THAR LEH HLAN KAI

1. DC Pisa neih thar a ni
2. Tun hmaa Sub-Divisional Police Officer in min thutchilh thin chu Superintendent of Police (SP) kan nei ta
3. Treasury Office kan nei thar
4. Economics & Statistics Dept hnuaia District Research Office kan nei thar bawk
5. UD&PA hnuaiah DUDO Office neih thar a ni
6. Land Revenue & Resettlement Office neih thar a ni
7. Fisheries Dept hnuaiah DFDO Pisa neih thar a ni
8. Mizoram Cooperative Apex Bank Branch paw tun sorkar-ah hawn thar a ni
9. Sub Divisional Horticulture Office chu District Horticulture Office -ah hlan kai a
ni tawh
10. Sericulture Department hnuaiah Farm Manager in min thutchilh thin chu District Sericulture Officer (DSO) in min thur chilh tawh
11. AH & Vety Department-ah Dispensary ni thin chu District Hospital-ah hlan kai niin DVO kan nei ta
12. Sub-Divisional Education Office chu District Education Office-ah hlan kai nin tunhmaa Block Resource Centre ni thin pawh DPC Office-ah hlankai a nita bawk
13. Sub-Divisional Agriculture Office pawh District Agriculture Offic-ah hlankai a nih bakah Block Agriculture Office pawh kan nei thar bawk
14. Kan la neih ngai loh naupangte himna tura hnathawktu pawimawh tak District Child Protection Unit pawh DCPO hovin kan nei ta.
15. PWD Hnahthial Division pawh hawn thar a ni.
16. District Information & Public Relations Officer kan nei thar
17. Food, Civil Supplies & Consumer Affairs hnuaiah DSCO pawh tunhnai khan hawn thar a ni.

Khuallian Dr R Lalthangliana chuan Hnahthial District mipuite tana Sawrkar hmalakna tlangpui leh hlawhtlinna hrang hrang tarlan takte chu thawktute inpekna leh Hnahthial District mipuite thawhhona that vang a ni a ti a. Hnahthial district mipuite chungah lawmthu a sawi bawk a ni.
Hnahthial District mai bakah Mizoram ralmuanna boruak vawnghim tura mipui vantlang, kohhran-te, media-te leh tlawmngai pawl hrang hrangte inpekna a fakawm takzet a ti a.

Vawiin ni pawimawh tak, India Independence Day vawi 77-na chu ram tan, Hnahthial District tan, rilru thar nen nasa lehzuala hmalam pan tura ke pen tanna ni lo ni se la. He Ni lawmna tihlawhtling tura kalkhawm zawng zawngte chu Independence Day chibai a buk a. India ram leh Mizoram in hma a sawn zel theih nan theihtawp chhuah a thawk zel turin inhlan thar leh theuh turin a sawm bawk a ni.

Health & Family Welfare Minister chuan Hnahthial chu khaw nuam leh ralmuang, khaw chhuanawm a siam turin inlungrual a, theihtawp chhuah turin mipuite a ngen a. remna leh muanna vawnghim a, harsatna awm apiangte pawh inlungruala hmachhawn a, hneh zel tura rilru insiam thar chungin theihtawp chhuah zel turin a sawm bawk a ni.

India ram zalenna lawmna ah hian School 8 atangin parade contingent 10 an tel thei a. Lawmman dawngtute chu ;

1) Govt Higher Secondary School (Girls)
2) Moriah Public School
3) Govt High School (Boys) te an ni.
Essay writing competition a lawmman dawngtute:
1) Stacy Remruatpuii Fanai
Class XII ( FD HSS)
2) Lalrinsangi
Class XI (Govt HSS)
3) T Lalpekmawii
Class-X ( Govt HS)

Vawiin Independence day vawi-77 na lawmna programme-ah hian EFCC bultumin kangmei chhuak tur venna kawnga hma la tha khua te (Fire prevention award) lawmman sem tel a ni a. Lawmman dawngtute chu:

1) Thiltlang - citation leh pawisa fai 50,000/-
2) Darzo -citation leh pawisa fai cheng 30,000/-
3) New Ngharchhip -citation leh pawisa fai cheng 20,000/-
Consolation prize hi Rotlang E leh South Vanlaiphai in dawng in citation bakah pawisa fai cheng 5,000/-theuh an dawng bawk a ni.