1807/2024-2025

Dated Hnahthial, the 29th August, 2024: Vawiin chawhma khan Hnahthial DC Meeting Hall-ah Hnahthial District chhunga Supervisor leh Booth Level Officer (BLO) te pualin Election Training neih a ni a, training hi District Election Officer Pi Rita Lalnunmawii Pachuau District Bawrhsap ni bawk chuan a hawng. Pi Esther Leihang, Election Officer in training hi a neihpui a, zawhna leh chhanna hun hman a ni bawk.

District Election Officer, Pi Rita Lalnunmawii Pachuau, District Bawrhsap ni bawk chuan training hawnnaah hian thu sawiin Supervisor leh Booth Level Officer (BLO) te lehkhathiam leh khawtlangah pawha mite rinkai an ni a. An hna bakah Election Commission chuan Supervisor leh BLO tura a ruat an nih avangin thahnem ngai tak leh tha taka thawk turin a chah a. Electoral Roll-a kan chuan tawh hi chuan khua leh tui dik tak kan ni tih lantirtu document pawimawh tak a nih avangin ram leh hnam khawih thil a nih a, chu vangin a pawimawh in hlut hle thu a sawi a. Electoral Roll-a chuang tawh te hi chu in paih leh mai mai a har tawh thin a ni tih hria a, kan tu leh fate tana pawimawh kan khawih lohna turin kan fimkhur a tul a ni a ti bawk. Kan ramah ram dang mi thahnem tak mahni sahimna zawngin an rawn lut thin a, heng te avang hian kan fimkhur leh zual a tul a ni tiin, kan ram mi leh sa dik tak, kum tling ngei te chauh Electoral Roll-a ziaklut turin a chah bawk a ni.

Vawiin BLO leh Supervisor training-ah hian Pi Esther Leihang, Election Officer chuan powerpoint presentation hmangin uluk takin training hi neihpuiin he hunah hian Pu Vanlalruata, SDC leh Hnahthial District chhunga Election Supervisor leh BLO te an tel a ni.