1808/2024-2025

Dated Aizawl, the 29th August, 2024: Sawrkarin a din thar State Level SASCI Committee te chu an chairman Pu Lalduhoma, Chief Minister hovin vawiin khan Planning & Programme Implementation Conference Hall ah an thukhawm.

Chief Minister chuan, central sawrkarin SASCI inkaihhruaina thar a rawn siam a, chumi mila state ten project kan thehluh a ngai a. Thehluh theih hun bituk hi a tlem tawh avangin department te kan chet vat vat a ngai a. Chuvang chuan committee siamin rang takin meeting kan ko a ni, a ti a. Central sawrkarin SASCI kalpui tum dan tlangpui leh a ngaihpawimawh thil te a tarlang a. Hnathawh tin te chu tha taka vil zui vek an nih tur thu pawh a tarlang a ni.

Member Secretary Pu Lalmalsawma Pachuau, Secretary, Planning chuan SASCI inkaihhruaina thar sawifiahna a nei a. Chumi hnuah department ten hnathawh tur an thehluh te sawifiahna an nei a. Department hrang hrangten an project/concept thehluh theih hunbi te pawh an thliah a ni.

Meeting-ah hian Minister te Pu K. Sapdanga, Pu Vanlalhlana, Pu C. Lalsawivunga, Pu Lalthansanga, Pu PC Vanlalruata, Dr. Vanlalthlana, Pu F. Rodingliana, Prof. Lalnilawma, Pu B. Lalchhanzova leh Pu TBC Lalvenchhunga, Adviser to CM bakah Chief Secretary Dr. Renu Sharma leh official pawimawh thahnem tak an tel a ni.