1923/2024-2025

Dated Hnahthial the 5th September, 2024: Vawiin khan Hnahthial DC Pisa ah Hnahthial DC, Pi Rita Lalnunmawii Pachuau kaihhruaiin Swachhata Hi Seva Campaign, 2024 chu Hnahthial District chhunga kalpui dan tur District Urban Development Officer, Project Director, Chief Medical Officer, Executive Engineer (PHE) leh Child Development Project Officer te nen an rel ho.

Swachhata Hi Seva Campaign hi kum 2017 atanga hman tan niin activities hrang hrang hemi hnuaiah hian neih tura ruahmanna siam a ni a. He campaign tum ber chu mipui hnena faina chungchang inhrilhhriat te, faina kawnga tam thei ang ber thawk chhuak tura hmalak te, hmun bal zual (Black spot) zawn chhuah a tihfai hnatlang neih bakah sanitary workers te kan ngaihhlutzia lantir te a ni a. He campaign hnuaiah hian banpui pathum awmin chungte chu - Swachhata Ki Bhaagidari (Cleanliness Participation), Sampoorna Swachhata (Complete Cleanliness) including  Swachhata Lakshit Ekayi (Cleanliness Target Unit) leh Safai Mitra Suraksha Shivir( Sanitary Workers Shivir) te an ni.

Thutkhawmna kaihhruaitu, Bawrhsap Pi Rita Lalnunmawii Pachuau chuan Swachhata Hi Seva Campaign hnuaia activities hrang hrang awm chu officials te nen sawi hovin he campaign hnuaia activities tam thei ang ber chu tih hlawhtlin tuma ruahmanna siam ni se a ti a. Cleanliness participation hnuaia Ek Ped Maa ke naam ( Platation drive) chu Hnahthial town leh khaw tina kalpui dan tur te, essay leh poetry writing competition Govt. Hnahthial College a Hnahthial Literature Club nena neih theih a nih dan tur te, Swachhata Class, Govt. Hnahthial College a neih a nih dan tur te rel ho a ni a. September ni 26 hian Swachhata run hnuaiah marathon neih tura ruahman niin marathon hi Poshan Walk nena converge tura ruahmanna siam a ni a. Cultural activities hnuaia Swach Bharat Cultural Fest pawh CDPO kaihruaina hnuaia ECCE festival nena converge tum a ni bawk.

Complete cleanliness including Cleanliness Target Unit hnuaiah September ni 25 hian office, commercial leh barzar hmunpui bakah zirna in te chu tihfai runpui neih tura ruahmanna siam a ni a. Hmun bal zual (Black spot) chu khaw tina VC ten thlang chhuaka September ni 14 hian tihfaina hun neih tura ruahmanna siam a ni bawk.

Sanitary workers safety camp hnuaia Preventive Health Checkup, a thlawna in chekup na hun chu sanitary workers ho tan September ni 18 a neih turin ruahmanna siam a ni.

Swachhata Hi Seva Campaign hi September ni 14 atanga October ni 1 thleng kalpui tura ruahmanna siam niin tun kum theme chu ‘Swabhav Swachhata - Sanskaar Swachhata' tih a ni.

He thutkhawmnaah hian Pu Zothanmawia Khiangte, Addl DC; Pi Esther Leihang, SDO (Sadar) leh Pu R. Vanlalruata, SDC te chu an tel a ni.