1922/2024-2025

Dated Aizawl, the 5th September, 2024: Nizan September ni 4 khan Indiana State, USA a cheng Chin Community te chuan Townhall Meeting Programme an buatsaih a. He hun hi Chief Minister Pu Lalduhoma chuan khuallian niin a hmanpui. Chief Minister hi a nupui Pi Liansailovi, a tunu Zodinthari leh Pu Jonathan Lalremruata, OSD to CM te bakah India Consul General of Chicago, Ambassador Somnath Gosh leh a thawhpuiten an tawiawm bawk.

Thu a sawinaah Chief Minister chuan, Mizo Society of America ten US a zin tura an sawmnaah lawmthu a sawi. Duhsakna tinreng nena an lo dawnsawn avanga vannei a intih thu a tarlang.

He huna Chief Minister thusawi hi a kimchangin https://dipr.mizoram.gov.in/post/indianapolis-a-chief-minister-thusawi ah chhiar theiha dah a ni.

Chin Community Townhall Meeting-ah hian Rev Vanlaldinga'n hunserh a hmang a, Rev. Dr. Thlaawr Bawihrin chuan kal khawmte lawmna a sawi a, Indian Ambassador Somnath Gosh pawhin thusawina hun a hmang bawk. Kal khawmten Chief Minister hnenah zawhna an neih te leh hriat chak an neihna sawi khawmna hun an hmang bawk.