1925/2024-2025

Dated: Mamit the 5th of September: Vawiin chawhnu dar 1.30 khan “Zirtirtute ni” (63rd Teachers Day) chu Chhim Veng YMA Hall, Mamit-ah school leh college zirtirtute leh zirtirtu pensioner te puala hman a ni a, Pu Jacob Lalawmpuia, Bawrhsap chu Khual lian niin hun a  hmanpui. 

Bawrhsap chuan zirtirtuten district tan danglamna an thlen thei a, mi ropui tam tak an chher chhuah theih thu a sawi a. Zirtirtu thahnem ngai, zirlai te nun kawng dik a hruaitu , zirlai te nun a a tha lama thusawi tu ni turin Bawrhsap chuan zirtirtute chu chona thar inpe turin a sawm a. Mamit tana hmasawnna thlentu, zirlai te tana entawntlak ni turin a ngen bawk a ni. 

Vawiin lawmna program hi District Level Working Committee on Celebration of Teachers Day ruahman niin zirtirtu ni mek te leh pensioner te chu parthi a chawimawi an ni.

Education Minister thuchah chhiarchhuahna hun hman a ni bawk.

“Zirtirtute Ni” (Teachers Day) hi India ram President pahnihna, Sarvepalli Radhakrishnan piancham denchhenin kum 1961 atang khan India ram pumah a lawmna hun hman a ni thin a, zirtirtute chawimawiin school leh college tam zawk ten program an ruahman thin a ni.