No.7797/2020-2021

Hnahthial 15th March, 2021 : Hnahthial District Consumers' Union buatsaihin vawiin khan Govt Hnahthial College Auditorium-ah World Consumer Rights Day hman niin District Bawrhsawp Pu H.Dolianbuaia chuan Khuallian niin a hmanpui a, "Dik lo leh tling lo chu kan hnawl ngam tur a ni" a ti.

Pu H.Dolianbuaia, District Bawrhsap chuan mahni dikna hriat loh chuan a huaisen theihloh thu sawiin "Khawvelah hian mahni chauha kan awm theih loh avangin midangte nen kan indawr tawn fo a ngai a, kan dikna leh ka chanvo hriat hi a tulin a pawimawh a, kan thil leite hi dan dikin kan lei em? tih te kan ngaihtuah fo a ngaiin diklo leh tling lo chu kan hnawl ngam tur a ni. Sa Kg khat man pe chuan Kg khat a khai hawng mai tur a ni a, gram 800 emaw a nih a thiang lo. Thil diklo kan hmuh leh hriatte hi hnawl ngam ila, dan hre turin i chhiar tam ang u" a ti. Dan leh hrai hriatna leh zirna kawngah hmanrua a that tawh thu sawiin "chhiar tur nei tam chhiar si lo, hmanraw nei tha, hmang si lo zirlai hi kan tam lutuk niin a lang a, kan hriatna te hi a nghet tur a ni" a ti bawk.

Roreltute rorelna chu hriatthiam a, lungawi thiam fo a that thu sawiin "Engemaw changa Oil khuahkhirh ang chite pawh hi mipuite tana tha tur a ni a, chutiang a nih loh chuan mi hausa ten an lei zo ang a, mipui nawlpuiin kan nei lo mai dawn a ni" tiin Hnahthial District chhunga Balu leh Tiau laka harsatna awm mekte pawh chingfel tura hmalak a tum thu District Bawrhsap Pu H.Dolianbuaia chuan  sawiin "darkar 24 duty turin kalo kal a, engkimah thawk hovin inpawh tlang ila, District hmala tha, District nuam kan nih ngei ka beisei a ni" a ti bawk

He hun hi Pu P. Vanlaltluanga, Pressident, HDCU chuan kaihruaiin Pu F.Lalthangliana EM, HDCU chuan Pathian hnena inkhawm hlanna hunserh a hmang a, Pu K.Lalhunmawia,  Secretary, HDCU chuan inhmelhriat tirna hun hmangin an hmalakna te a tarlang a, Hnahthial Town VC Association President Pu HC.Rohmingthanga'n thu a sawi bakah Pu F.Zosangliana, Adviser HDC chuan lawmthu sawiin kalkhawmte a tin a ni.