1403/2023-2024
India Independence Day Champha vawi-75-na lawmna Azadi Ka Amrit Mahotsav(AKA M) puala nikum 13th - 15th August, 2022 chhunga Har Ghar Tiranga Campaign hlawhtling taka neih chu kumin Independence Day vawi 76-na champha lawmna pualin kalpui a ni leh dawn a.
Ni 13th - 15th August, 2023 chhung hian ram leh hnam tan thahnemngaihna rilru pu chunga phur taka mahni chenna inah Hnam Puanzar zar chhuak theuh turin mitinte ngen kan ni.
Hemi atan hian Art & Culture Department chuan Hnam Puanzar 1,10,000 a chah a, hengte hi August ni 6 khan engemaw zat lo thleng in, Siaha District tan 7500; Lawngtlai District tan 7500; Saitual District tan 3000; Khawzawl District tan 7000 leh Champhai District tan 10,000 thawn chhuah a ni a. Flag a thlen belh veleh District dang tan thawn chhuah leh nghal a ni ang. Nikum angin Flag pakhat hi Rs. 20/- zel a lei tur a ni a. District tina a hralhna hmun tur hi Deputy Commissioner ten ruahmanna an siam ang. Aizawl khawpui bika hralhna hmun tur erawh chu Art & Culture Department in ruahmanna an siam hunah mipuite hriattir leh an ni ang.
