No.7774/2020-2021

District Hospital Hnahthial huamchhunga Health Worker te pualin vawiin khan Main Centre Hnahthial-ah Raipuar leh naupang hriselna chungchang inzirtirna hun hman niin Dr.R.Lalsanglura MO & Master trainer Reproductive and Child Health chuan a power point hmangin a zirtir a ni.

Dr.R.Lalsanglura chuan Nu leh Naupang ten hriselna tha an neih theihna turin National Health Mission hnuaiah Reproductive and Child Health (RCH) Programme kalpui a nih thu sawiin  "Nu nau chunga thihna (MMR)leh nausen kum khat hnuailam thihna (IMR) tih tlem leh umbo chu a tum ber a ni" tiin hemi kawngah hian Health Worker te an pawimawh thu leh an mawhphurhna a san thu sawiin an bial chhungte fang uluk thin tur leh raipuar te chu Damdawi In a nau nei ngei tura hrilh hre thin turin a chah a ni. Kumin kum kal mek 2020 - 2021 ah chhung hian Hnahthial District chhungah Nu Nau chunga thihna thleng a awm lova, Nausen kum 1 hnuailam erawh mi 4 an thi tih Dr.R.Lalsanglura chuan a sawi a, RCH inkaihhruaina thar a zirtir bawk a ni.