Govt of Mizoram Home Department notification No. L. 22012/1/2014 - HMA dated 15.02.2019 thuchhuak bawhzuiin Lawngtlai District Magistrate Pi Shashanka Ala, IAS chuan Lawngtlai District chhunga Airgun nei la in-report ve lote tan dt. 31.07.2019 thleng in-report theih hun pawh sei a nih thu hriattirna chhuahin, Airgun Licensing Authority (District Magistrate)-ah in-report vek tur a nih thu a tar lang.

In-report turte chuan mahni Airgun bakah, document felfai leh a leina cash memo/receipt ken vek tur a ni a. Cash memo/receipt nei tawh lo chuan affidavit ken tur a ni.

Hemi hun chhung hian Lawngtlai District chhunga Airgun nei la in-report lo zawng zawngte'n ngai pawimawh a, in-report theuh turin District Magistrate chuan a ngen a. Report form hi Arms Branch-ah ngaihven tur a nih thu leh, hun tiam chhunga in-report lote chu anmahni Home Department, Aizawla in-report a ngaih tur thu a tar lang tel bawk.