Mizoram Sorkar  Home Department chuan ILP chungchangah a hnuai ami ang hian thuchhuah an siam :

ILP Guidelines (Inner Line Regulation, Mizoram) Para 18 in a sawi angin a hnuai ami te hi Mizoram mipui ten an lo hriat atan chhuah a ni e.

Para 18(l)(a)(b):- Sponsorship: Mipuitling (Indigenous, Kum 18) chin chuan ram leilung fa ni lo hnam dang state hran a mi te mi pakhatin mi 10 zel an sponsor thei a, Inner Line Regulation leh Permit in sponsor tute mawhphurhna a siam chungchang hre tak an ni tur a ni a. Heng Temporary/Permanent Trade Licence Permit neitu te, Company Public/Private Sector Undertaking/Proprietor, Non-CSD Canteen, Central State, Forces/Battalions a mi ten mi 5 zel an sponsor thei. Tin, Public emaw Private Sector Undertakings/Firm leh Company a, Valid ILP nei Head of Department/Office (Central leh State) te chuan inhlawhfa hnam dang mi 100 aia tarn lo an sponsor thei bawk a, Mizoram Sorkar Department-in an mamawh avanga lo lut te chauh an ni tur a ni.

Para 18(2)(a):- ILP Sponsor tu ten an sponsor-a te an uksak zui loh chuan sum chawi tir leh an ILP cancel thlenga hrem theih an ni a. Chuvangin, Sponsor zawng zawng te chuan ILP leh an sponsor copy te a thih atanga ni 7 chhungin an awmna D.C-ah an thehlut tur a ni. An tih loh chuan Kum 2 chhung an sponsor thei tawh lovanga, mi pakhat zelah Rs 1000/- zel an chawi tur a ni. Tin, hnam dang, state dang a mi, ram leilung fa ni lo Public Sector Company/Firms/Private Company, Mizorama Contract nei, State emaw Central Government-a inhlawhfa/hnathawk reng reng a chunga sawi anga ti lo te chuan Rs 2000/- mi pakhat zelah an chawi (fine) tur a ni a, an ILP pawh cancelled nghal a ni ang. Chubakah ILP eng chi pawh an ILP a thih atanga chhiar a an renew lehna tur dilna inkar ni a awm chuan ni khat zelah Rs 10/- zel an chawi (fine) tur a ni.

Thil hre chiang lo, harsatna nei te chuan an concerned D.C/S.P leh Home Department ah zawh fiah theih a ni.