2965/2022-2023
Aizawl, the 6th December 2022 : Mizoram District hrang hrang Deputy Commissioner-ten an bial chhunga hmalakna kal mekah an khaw chhûnga hnam thenkhat chungchang Village Council President te an zawhna chu mi thenkhatin hrethiam lovin thil dangah an hmehbel tih hriat a ni a. Hemi chungchangah Home Department chuan vawiin khan hnuaia ami angin sawifiahna an siam thu an chhuah a ni.
‘The Constitution Scheduled Tribe Order, 1950, Part XVII – Mizoram’ hnuaia hnam chuangte chu Mizoram Union Territory leh State a hlankai a nih khan Assam chhunga North Cachar Hills District-a Scheduled Tribe chengte ang chiah min hmantir zui a. He List hian Mizorama hnam chengte a huam kim lo va, huam loh tur an tel bawk si a. Chumi siamtha tur chuan Home Department hian hun rei tak kal ta atang khan hma a la reng a. Hemi hmalakna kal zelah hian hian Deputy Commissioner-te chu an thuneihna chhung theuh atangin data lakkhawmtir an ni.
He thil hi Chhiarpui a ni lo va, The Constitution Scheduled Tribe Order, 1950 siamtha tura hmalakna mai a nih avangin mipuite lo chiai lo turin kan inngen e.
