1955/2023-2024
Aizawl, 20th September, 2023 : Ni 18.09.2023 chhuak Vanglaini Chanchinbu ah khan MNF mu tan Chalhfilh tih thupuia hmangin Lalremliana, Bethlehem Veng in ti khan “Advertisement tel lova Home Department hnuaia Police lak pawh hi a tam tham a”, tih thu a rawn ziak a. Hemi chungchangah hian mipui ten thudik an hriat theih nan sawifiah a tulin hriat a ni a.
Home Department hian advertisement lovin hna lak a nei lova, amaherawhchu, Mizoram Sawrkar dan dinglai angin Mizoram Police hnuaia post awmzat atanga 5% chu Compassionate appointment quota a ni a. Chutiang chuan service laia Police boral chhungte mi 304 chu tun hnaiah compassionate in dan dinglai awm ang te zawm vekin appointment pek an ni zawk a ni. Compassionate hi advertisement a tih tur tih dan hi a awm lova, Mizoram Sorkar Department zawng zawng te zawm tur DP&AR(GSW) in Office Memorandum a chhuah angin hma lak ani a. Chutiang chuan Police service laia thi chhung ten dilna an thehlut a, chung mite dilna behchhan chuan spot verification te neih vek hnuah Screening Committee in dan ding lai angin a phu(deserve) te chu thlang chhuak leh in heng mite tan hian Sorkar-DP&AR(GSW) leh Finance Department te phalna la in appointment hi pek an ni zawk a ni.
Tunhnaia Compassionate appointment a Police lak dan chu a hnuai ami ang hi a ni:
Head Constable - 10 nos.
Constable - 283 nos.
Group D - 11 nos.
Total: - 304 posts
Tin, heng post 304 bakah hian Compassionate appointment in Constable post pakhat leh IV Grade post pakhat tun hnaiah hnawhkhah a ni bawk a. Heng mite pawh hi duty lai a thi pahnih chhungte an ni.
