Vawiin khan Home Minister Pu R. Lalzirliana hovin a pisaah Central YMA hruaitute leh sawrkar mi pawimawhte an thukhawm a. Central YMA in Vishal Mart an zirchianna atanga an thil hmuhchhuah te Home Minister hnenah an thlen. 

Home Minister chuan ram hmasawnna atana rahbi pawimawh tak pakhat chu sumdawnna a ni a, ram leilung faten sum leh paia an intodelh theihna tur tithuanawp thei kawnga hmalakna awm thei lakah erawh kan fimkhur tlan a pawimawh a ni, a ti a. Chumi avang chuan sumdawnna kawngah pawh mipui, consumer-te tana man man zawk, ram economy than chhoh zelna atan tha si inkaihhruaina tha zawk siam tura ngaihtuahna sen a tul a ni, a ti. 

Sumdawng tura Mizorama hnamdang lo kalte ILP pek dan chungchang zirchiang turin Aizawl DC chu ruat ni se tiin vawiin meeting-ah hian an rel a. Aizawl Municipal Corporation, Aizawl DC, Taxation Department, Commerce and Industries, Law & Judicial leh Home Department-a hotute meeting-ah hian an tel a ni.