Vawiin chawhnu dar 1:30 khan Home Minister Pu Lalchamliana hovin a pisa ah Mizorama kum 2019 Krismas leh 2020 Kumthar kan hman dan thlirletna hun hman a ni a; he hunah hian kan hman liam tak hunpui huam chhunga venhimna kaihhnawih hmalak dan te, halpuah leh halmawi chungchang te, No Vehicle Zone hman dan te thlirletin sawi ho a ni.

Home Minister chuan kan hunpui hman liam takah chhiatna lian tham kan tawk tlem chu lawmawm a tih thu sawiin venhimna lam a thawktute tanlakna rah a ni a ti a. Halpuah leh halmawi khap chunga hal lui engemaw zat awm chungchang pawh sawi ho niin tan lak lehzual dan tur te sawi ho a ni bawk. Mizoram Police leh YMA te thawh hona pawh a tha hle a, Mizoram boruak pawh a ralmuang tha hle a ni tiin tan lak zui zel dan tur te sawi ho a ni bawk.

Thlirletna hun (Review Meeting) ah hian Central YMA Office Bearer te bakah Police department lamah hotu (Senior Police Officer) te, Aizawl DC aiawh te an tel a ni.