Vawiin khan Home Minister Pu R. Lalzirliana kaihhruaiin Home Department Consultative Committee chu an thukhawm a. Home Department hnuaia sorkar hmalakna hrang hrang te inhrilhhriatna leh hmalak mek dan te sawi ho a ni.

He meeting ah hian Bru Tripura a pem lak kir tawh dan leh lak kir leh dan tur te, Sakham tlang dunga Mizo awm te pawh MHA in Bru te dawn ang pek tur a nih thu te inhrilhhriat a ni. HPC (D) nena inbiak tawh dan leh tuna sorkar dinhmun te pawh in hrilhfiah a ni. Human Trafficking lama Police in an hnathawh dan te sawiho a ni a, mipuite hnenah zau taka inhrilhhriat a pawimawh thu leh hemi atan hian awareness campaign te nei tura hmalak nise tih an rel a.

CCTNS - Crime Control Tracking Network and System (ram pum a Police station zawng zawng in thlun zawmna)chungchang ah India ram state ah Mizorma chu hma la tha ber a nih thu leh State dangte nena rualkhai deuh a hmalak a ngaih avangin duh angin hma a lak chak theih loh thu ngaihthlak a ni.

Modernization of Police Force hi Police tih changtlunna Central Scheme a ni a, hemi scheme hmang hian Mizoram Police tihchangtlun a ni. He scheme hmang hian building te sak a ni a, silai tha, motor etc. lei a ni.

Fire & Emergency Service te pawh he Modernization scheme atang hian tih changtlun zel a ni a, Fire Tender thar 6 (paruk) lai lei thar a ni.

Sainik School Chhingchhip tan pawh chak taka hmalak a ni DoNER in NLCPR atangin Rs. 50.64 crore Administrative Approval a pek atangin Rs. 1781.38 lakh a rawn pe chhuak tawh a ni.

3rd, 4th leh 5th IR Battalion te Headquarters sakna turin Telecommunication Consultants India ltd. (TCIL), Govt. of India, PSU chu rawih tum a ni a, hei hi State Level Consultancy Evaluation Committee in an pawm tawh a ni.