Home Minister Pu Lalchamliana chuan tunkar hian a bial chhunga khaw thenkhat te a fangkual a. Sailulakah Government H/S Building thar hawngin, N. Vanlaiphai Area MUP Conference-ah khuallian niin a telpui bawk.

Nilaini khan Home Minister hian Keitum, Khawlailung, Chekawn, Mualcheng leh E. Lungdar te tlawhin heng khuaah te hian amah hmua dawr duh mipuite tan hun ruahman sakin khawtlang hotute nena inkawmna hun te a buatsaih sak a. A tuk Nilaithawhtan niah Leng leh Sailulak te a tlawh a, Lengah hian amah dawr duhte tana hun buatsaihin khawtlang hotute nena inkawma neih a ni a, Sailulakah hian Government High School Building thar, BADP sum Rs. 20 Lakhs senga sak chu a hawng a ni.  School Building thar hawnna inkhawmah Pu Lalchamliana chuan, zirlaite chu mi hlawhtling, thiamna lama rawn tlak ni tura inzir turin a fuih a, hlawhtling turin zirna a pawimawh ber fova ni, tiin a chah. Zirtirtute pawh rinawm tak leh tui taka thawka, ram tana rawngbawlna pawimawh tak, hna zahawm tak an thawk tih inhre reng turin a chah a ni.

Vawiin hian Home Minister hian N. Vanlaiphai tlawh lehin N. Vanlaiphai MUP Area Meet ah khuallian niin a telpui leh a, kum lama upa zawkte chu ram tan rohlu, hriatna leh thurawn tha tak tak kan hmuh theihna te an nih thu a sawi a. MUP te chu chhungkua, khawtlangah leh ram relbawlnaah te thurawn tha tak tak pe theitu nih tum zel turin a fuih a ni. Ram changkang leh hnam ropui apiangin kum upa zawkte an zahthiamin an chawimawi thiam thin a, Mizote pawhin kum upa zawkte enkawl kawngah hma kan sawn zel a tul nia a hriat thu a sawi a ni.

Home Minister hi N. Vanlaiphai SDO Pi Dorothy Muansangin, MCS te, E. Lungdar BDO, Pu H. Lalhruaitluanga, MCS leh sawrkar mi pawimawh dangten an lo dawngsawng a, Serchhip atangin Pu Chuauhnuna, Addl DC, Pu Dolianbuaia, PD, DRDA leh offial pawimawh engemawzatin an tawiawm bawk a, Aizawl atangin Pu FJ. Liantlu

Attachment

  • Loading attachment...