SSA Mission Siaha District, Siaha hmalaknain Dt. 10th August, 2019(Sat) ni-khan “Water Conservation and Afforestation” theme hmanga Lemziak Intihsiakna (Painting Competition) Elementary School zirlaite tan Lorrain English School ah buatsaih a ni a. Primary School 11 leh Middle School 12 atangin zirlai 175 te he intihsiaknaah hian an tel a ni.
He Lemziak Intihsiakna ( Painting Competition ) hi District Project Coordinator, S. Vabeihasa in a kaihruai a, kan District Bawrhsap, Pu. Bhupesh Chaudhary IAS, District bawrhsapin zirlaite hnenah fuihna thu sawiin, Satellite atanga a landanin keini Siaha District hi India rama tui harsatna leh tlemna a nih thu sawiin hei vang hian kan rama tuihna awmchhunte kan humhalh mai bakah tui kan renchemin tuihna siam thei thing phun hi kan mawhphurhna a ni, a ti.
He Lemziak Intihsiakna (Painting Competition) hi Kan District Bawrhsap, Pu Bhupesh Chaudhary leh kan Asst. Commissioner, Pu. Amol Srivastava IAS ten min telpuiin zirlai titha zualte hnenah lawmman semna te an nei a, an chungah kan lawm hle.
Tin, Dt 13th-16th August, 2019 chhung hian District chhunga school tinin Tuihna humhalh tulna lam hawia inzirtirna, “Jal Shakti Abhiyan” (Water Conservation Week) hman mek a ni a. School 209 ten mahni school theuhah an hmang mek a, Siaha Block-a School 101 atangin naupang 8446 leh Tipa Block-a School 108 atangin Naupang 5419 (Total: 8446 + 5419 = 13865 students) ten he hun hi an hmang mek a ni.
He week hman chhung hian nitinin zirlaite chuan tuihna humhalh pawimawhna thuziak (Placard) te kengin Zirtirtuten naupangte hnena thuchah leh fuihna thu sawiin he week hi hman mek a ni.
