1791/2025-2026

Dated Aizawl: the 22 August 2025 : Vawiin khan Home Minister Pu K. Sapdanga chuan I&PR Auditorium, Treasury Square-ah Aizawl City College Joint Student Union Assembly leh Hruaitu thar thlanna hun chu khuallian niin a hmanpui.

He hunah hian khuallian Home Minister Pu K. Sapdanga chuan Zirlaite fuihna thu sawiin, ram leh hnam thanna leh hmasawnna kawngah Zirlaite chu mawh phurtu lian berte zing a mi an ni tih inhre reng turin a chah a. Thil engpawh an tihnaah, hlawhtling turin thawhrimna chu a pawimawh hmasa ber tih sawiin, Mizoramin All India Service leh Central Service a lut Mizo thalai a nei lo rei ang a langte, thalaite zinga ruihhlo ngawlveina hluar em em lawi site chu Zirlaite zingah uar taka inhrilhhriat a tul tih tarlangin, Zirlaite chu theihtawp chhuah a, anmahni leh ram leh hnam tana mawhphurhna pawimawh tak an neih chu hlen chhuah tum tlat turin a chah a; Inthlanna chu hlimawm leh hlawhtling taka hmang turin duhsakna a hlan nghal bawk a ni.

Khualzahawm National Institute of Technology Director, Prof. S. Sundar pawhin Zirlaite hmaah hian thusawiin, NIT chu India ram pumah 31 chauh a awm a; chumi zinga pakhat chu NIT Mizoram a ni tih a sawi a. Mizo Zirlaite chuan an tana seat dah pawh eng eng emaw avanga an luah zawh loh thin thu sawiin, Zirlai rual kalkhawmte chuan chonaa ngai a, NIT lut thei ngei tura an Zirlaia theihtawp chhuah turin a fuih a. NIT atanga zir chhuakte chu Company hrang hrangte pawhin an duhsak thu leh NIT Zirlaite chu a nawlpui hnaa an luh vek zel thute a sawi a. Mizo Zirlai tam tak zingah pawh hruaitu ni theeite chu theihtawp chhuaha an beih phawt chuan NIT thleng pawha titha zingah an tan theih ngei a beisei tih a sawi a ni.

Vawiina Aizawl City College Joint Student Union (ACCJSU) Assembly leh Inthlanna hun hi ACCJSU Vice President. FH. Lalhmunenga chuan kaihruaiin, kalkhawmte lawmna thu a sawi a. ACCJSU Gen Secy, C. Lalduhsaka hnen atangin ACCJSU hmalaknate report ngaihthlak a ni a. Thusawi ngaihthlak chhunzawm niin, Chairman-in lawmthu sawiin hun hi a khar a. ACCJSU hruaitu tur thlanna neih nghal a ni.