Pu R.Lalzirliana, Home Minister chuan vawiin khan Aizawl City Mobile Police Patrol motor 3 Arya Mess, Khatla atangin a vailiam. Home Minister hian Addl.DGP quarter tur sak zawh hlim chu a  hawng nghal.
 
 
 
 
Minister chuan police te thawhrimna a zarah hmalam kawng kan zawh thei hi lawmawm a tih thusawiin sual dona kawngah te, misual zawnchhuahna kawngah te police hian hma an sawn nasa hle a, tuna Aizawl City Mobile Police Patrol motor te hian Aizawl mipui te tan thlamuanna thlentu anih ngei a beisei thu a sawi bawk.

Aizawl khawpui chhung  leh a chhehvel tuam turin Mobile Patrol Vehicles pathum te hi April 27 atangin duty tan tur an ni a, Mobile Patrol Vehicle pakhat hian Aizawl PS bial chhung a vil ang a, a pahnihna in Kulikawn PS bial chhung  leh a pathumna chuan Bawngkawn PS leh Vaivakawn PS huamchhung a vil ang, darkar 24 chhung an duty ang. Heng motor-ah te hian PA Set, fire extinguisher, search light leh  hmanraw chi hrang hrang ken tir an ni.

Add. lDGP Quarter hi a building pumpui leh electric connection zawng zawng te nen hian a vaiin Cheng nuai 61.03 hman a ni. A building hi chhawnga sak a ni a, November 25, 2008 khan sak tan a ni a, December 28, 2009 khan sakzawh a ni.
 
 

Attachment

  • Loading attachment...