102/2023-2024

Khawzawl, the 14th April, 2023: A bial chhung khaw hrang hrangte fanga cham mek Home Minister Pu Lalchamliana, Hrangturzo Assembly Constituency bialtu MLA chuan kumin October thlaa Biate khuaa YMA General Conference 2023 neih tur atana inbuatsaihna kal mek chu tlawhin a enpui.

Conference Organising Committee-te'n  ruahmanna leh hmachhawp an neih hrang hrangte lo hrilhin, hmalak dan turte sawi hona hun tha tak neih a ni a. Pandal sakna tura ruahman Biate Playground leh a chhehvelte pawh a hmunah kalin enfiah a ni bawk a. YMA General Conference 2023 hi kumin October thla a neih tura ruahman niin, Conference hlawhtling tak neih a nih theih nana theihtawp chhuah tlan dan turte pawh ngaihtuahho a ni.