Vawiin khan Home Minister Pu R.Lalzirliana chuan Lunglei District-a Buarpui khuaa Rural Development Department hnuaia 'Traveller's Inn' a hawng.

Khuallian Pu R.Lalzirliana chuan Mizote hi hnam mawl tak ni thin kha Pathian khawngaihna avangin India ram state nuam, ralmuang leh awhawm ber pawlah kan awm tawh a, faina leh thianghlimnaah phei chuan India ram state ti tha berte zingah kan tel pha hial ni, a ti. BADP hna hi a chhiat lutuk thin avangin sorkar chuan Departmental work angin hna thenkhatte chu thawh tawh nise tih a ngaihtuah mek a, chung hnate chu Work Supervisor ten an entawn ang a, hnathawh tha zawk a thlen ngei a beiseiawm a ni, a ti. bawk. BADP hnuaiah pawisa a tlem tak zel avangin, duh angin BADP hnuaiah hna a thawh tam theih tawh loh tih thu a sawi bawk.

Vawiin zingkar vek khan Pu R.Lalzirliana chuan Buarpui Damdawiin PHC tlawhin, damlo awmte a kan nghal a; he damdawiina thawk ten lo dawngsawngin an harsatna leh mamawhte Home Minister bulah hian an lo thlen chu theihtawp chhuaha hmalak sak a inhuam thu a hrilh.

Home Minister hi Parliamentary Secretary Lt.Col (Rtd) Z.S.Zuala, Parliamentary Secretary Pu H.Zothangliana leh Pu Chalrosanga, MLA ten tawiawmin thu an sawi bawk a ni.