8th-12th February 2016 chhunga hman 27th Road Safety Week 2016 chu vawiin khan DC Conference Hall, Mamitah kharna hun hman a ni a, Pi Lalbiaksangi District Bawrhsap chuan khuallian niin a hmanpui.

Vawiin Week kharna hunah hian Pi Lalbiaksangi chuan Mizo mipuite kan changkang chho ve zel a , Lirthei pawh mi tam takin kan nei tawh a ni, a enkawl leh kan rilru put dan ah pawh kan changkan chhoh ve zel a ngai a, ramchangkang zawk te tih dan kan entawna an dan leh dun zawm that dan te kan zir chhoh ve zel a pawimawh tak zet a ni a ti.

Pu C. Lalnunmawia SP Mamit pawhin thusawiin India ramah lirthei chetsualna atam hle a, minute 4 danah chetsualna thlengin mi pakhat in nunna chan ang kan nih thu leh hetah hian 77.5% chu driver thiam loh a nih thu a sawi a, Mizoramah pawh lirthei chetsualna tam ber chu rui chunga khalh leh tlan chak lutuk vang te phurh rih lutuk vang leh Driver thawh rim lutuk vang a nih thu sawiin, he week kan hman hian Mamit District mipuite Lirthei chetsualna laka kan him theihna tura atana kawng hrang hranga tan lak a ni chu lawmawm a tih thu a sawi bawk.

Pu Benjamin Lalhmingsanga, MVI, Mamit chuan Mamit-a Road Safety Week hman chhunga hmalakna hrang hrang tarlangin Enforcement Staff leh Mamit Traffic Police te tangkawp chuan Mobile Checking neiin lirthei chi hrang hrang 82 endik a ni a, Compounding Fine Rs 1500 chawitir an ni bawk. Hei bakah hian Bairabi kaiah Mobile Checking neih a ni bawkin, hetah hian Lirthei 30 endik niin , dan bawhchhia chawitirna atangin Rs 1300 hmuh a ni lehin, Week chhung hian Mamit khawchhunga Maxi Cab leh Taxi Drivers te tan training buatsaih a ni bawk.

Vawiin Week kharna hunah hian Mamit khawpui chhunga Drivers tha Sorkar, Maxi Cab leh Taxi Drivers tha thlanna neih niin lawmman sem nghal a ni a, Lawmman hi Khuallian Pi Lalbiaksangin a hlan nghal a ni. Sorkar Driver tha lawmman pakhatna hi Jimmy Ramhmangaihzuala Gr-II DEF la-in Maxi Cab Driver ah hian Ramsangzela (Matea) MZ-08 2442 chuan lain Lalvulluaia MZ 01-1717 chuan Taxi driver atangin lawmman pakhatna hi a dawng bawk.

27th Road Safety Week kharna hi Pu H. Lianzela Addl DC Mamit chuan kaihruaiin Pu L.T. Zodinliana, DTO chuan lawmthu sawiin hun hi a khar a ni.