Pu R. Lalzirliana Minister Home RD etc chuan vawiin khan Zawlnuam-ah Hachhek Constituency huamchhunga mi harsa te hnenah inchung tur Rangva Bandle 4 theuhvin a sem.

Semna inkhawm Thuampui Veng tualzawla, buatsaih Pu Lalnundika, BDO Zawlnuam kaihhruaiah thusawiin RD Minister chuan sawrkar in mi harsa, inchung tha pawh nei lote dinhmun hria-in theihtawp a chhuaha, Rural Development hnuaiah Rural Housing Scheme atangin chhungkua engngemaw zatin Rangva an dawng thei hi a ropui hle a ni tiin tun tumah hian chhungkaw 100 laiin dawngin a, bial huap ah chuan a dawng tam ber an nih thu a sawi bawk.

Home Minister chuan Hachhek bial hi Ramri hrula awm anih avangin venhimna hna thawh awlsam zawka a kalpui a nih theihna turin 4 IR Batallion Hqrs Rengdil khua-a dinna tur pawh hmalak chhoh niin a lungphum pawh kumin chhung ngei hian phum a nih tur thu a sawi bawk a ni.

Pu Lalrinmawia, Ralte Parliamentary Home, RD etc Bialtu MLA ni bawk pawhin sawrkarin khawthlang bial mipuite dinhmun hrechianga sawrkarin hmasawnna hna a thawhnaah sawrkar chungah lawmthu a sawi a, kawng tha helai bialin an neih theih nan sawrkar in cheng vaibelchhe 134 sengin Medili leh Tuilut inkar kawnga siam dawn a ni tiin hun reilote ah tender chhuah a nih tur thu a sawi bawk a ni.

Pu R. Lalzirliana Home, RD etc Minister hi Pu Dingluaia Commandant 4th IR Bn, Pu Henry C. Lalrawnkima PS , Pu C. Lalnunkima Deputy Director I&PR, Police hotute bakah Party hruaituten an tawiawm a ni.