Central Sorkar Media Unit hrang hrang leh State Sorkar Department thenkhatte intelkhawmna, Inter Media Publicity Coordination Committee (IMPCC) chu vawiin khan PIB Media Centre ah an thukhawm a, July thla thupui atan 'Malaria i do ang u' tih an thlang.

Meeting-ah hian Doordarshan, All India Radio, Directorate of Field Publicity, Press Information Bureau (PIB), Spices Board, Agriculture, AH&Vety, Forest, Mizoram Khadi & Village Industries Board (MKVIB) leh Social Welfare Department te an tel a, tun thla IMPCC thupui 'Ruihhlo lakah i fimkhur zual ang u' tih hmanga Department hrang hrang hmalakna an sawiho a, Agriculture Department hnuaia NLUP tanpuina, thawhkhatna leh thawhhnihnaah chhungkaw 13,607 hnenah pek a nih tawh thu leh MKVIB Multi-Disciplinary Training Centre (MTDC) Zemabawkah training mi 40 hnenah pek mek an nih thu pawh meeting ah hian tarlan a ni bawk.

Vawiin meeting hi an Chairman, PIB leh Doordarshan News hotu ni bawk, Pu Mangjangam Touthang-in a kaihruai a, IMPCC hi July ni 30 ah All India Radio Conference Hall ah an thukhawm leh ang.