Parliamentary Secretary Pu Lal Thanzara chuan, ‘ Lumpsum School thenkhat ten dinhmun tha zawk ngiatin sawrkar ngen mahse, sum harsatna avangin tun maiah chuan an beisei ang kan ti thei dawn rih lo,’ a ti .

He thu hi vawiina Kawnpui Higher Secondary School (Adhoc Grant in Aid) kum 10 tlin lawmna, Kawnpui-a neihah khuallian niin a sawi a. Pu Lal Thanzara chuan Lumpsum Grand School ten tanpuina hmu reng chunga School khar an tum chu a vanduai thlak hle a ni,a ti a. Khar chhunzawm tum mahse an beisei ang kan ti mai thei rih lo a, Zirlai ten harsatna an tawk dawn anih chuan Sawrkar in a ngaihtuah ang a ti.

Pu Lal Thanzara chuan, zirna uluk a ngaih thu leh zirtirtu lak chungchangah sawrkar chuan uluk taka a tih tur a tih dawn thu a sawi a. . Zirtir hna thawk turin Training tawh emaw, Teachers Eligibilty Test (TET) kaltlang ngei a ngaih avangin Dan in a phut ang chu ti lovin kan awm reng thei lo ang a ti a. Zirtirtu lak dan thar turah chuan Training te, TET an paltlang te, Class XII ah 50% mark an hmuh te a ngai tawh dawn a. Chuvangin Zirtirtu hna lak tur tehna a sang tawh dawn a ni, a ti a ni.

Kawnpui Higher Secondary School in tluang taka kum 10 hmel a hmu thei chu a lawmpui thu a sawi a. School Compound tifel turin Deptt. lamah hma a lo la dawn tih sawiin tuna Classroom sak mek chhunzawm nan Rs. 50,000/- (Sing nga) a pe bawk a ni.

School kum 10 tlin lawmna hi Pu R Malsawmthanga, Managing Board Chairman, Kawnpui Higher Secondary School chuan a kaihruai a ni.