Vawiin chawhnu dar 01:00 khan DC Conference Hall, Serchhip-ah National School Safety Programme (NSSP) kaltlangin school 82 hnenah kangthelhna hmanrua (Fire Extinguisher) sem a ni a, Fire & Emergency Service ten a hman dan an zirtir nghal bawk a ni.

He hun Pi Zotinkimi, District Project Coordinator (Disaster Management) kaihhruaiah hian Zirna in thlan bik 82 te hi an kal tha hle a, anmahni school tana Disaster Management Plan an siam te pawh ennawnpui an niin a tihhlawhtlin dan tur kawngah Pi Chuaupari District Organiser chuan zirtirna a pe a ni.

He hun hmanpuitu Pu Vanlalrova SDC chuan zirtirtu ten anmahni leh naupang te, chhiatrupna lo thleng thei laka an him theihna tur leh a lo thlen palh pawha, chhiatna nasa zawk laka an him theih dan tur ruahmanna an siam puitling thei chu a lawmawm hle a ni a ti a, an zirlai theuhte pawh an ruahmanna tihlawhtling thei tura zirtirna tha lehzual pe thei tura inbuatsaih theuh turin zirtirtu lo kal khawmte chu a sawm a ni.