1817/2023-2024

Aizawl, 09.09.2023: Home Minister Pu Lalchamliana chuan vawiin khan Mizoram Ex-Services League General Assembly tum 34-na, Vanapa Hall a neih chu khuallian niin a hmanpui.

Home Minister chuan ram leh mipui tana an hun tha zawk hmanga lo thawk tawhte chu chibai buk in, ex-services league te mumal taka intelkhawm a, anmahni leh hmeithai te tana hma an la thin chu lawmawm a ti a. Ex-servicemen te chu ram tana mi tangkai ni chhunzawm zel tura a duhsakna thu a hlan bawk.

Vawiin programme hi Lt. Col. ZS Zuala, Sr. Vice President chuan a kaihruai a. Secretary leh Treasurer report ngaihthlak a ni a. President Lt. Col. Clement Lalhmingthanga leh SW&R Director Surg. Lt. Cdr. Lalnuntluanga te hnen atangin thusawi ngaihthlak a ni bawk a. Chahwnu lamah rorel a hun hman chhunzawm a ni.