2274/2026-2027

Dated Aizawl, the 18 September 2026: Vawiin khan Mizoram Police Service Association (MPSA) Conference Vawi -16 na chu Arya Mess, Police Headquarters, Aizawl ah neih a ni a. He hun hi Home Department changtu Minister Pu K. Sapdanga chuan khuallian niin a hman pui.

Conference a hmanpuinaah hian khuallian Home Department changtu Minister Pu K. Sapdanga chuan thusawiin, Police-te chu sorkar hna thawk zingah pawh mipui beisei san bik an nih thu a sawi a. Kalkhawmte chu an tawngkam leh chetziaahte fimkhur tura chahin, Technology a hmasawnna mila ke pen zel turtein a chah bawk a. Police ten thahnemngai taka mipuite rawng an bawldan leh Sawrkar pawhin Police-te chu theihtawp chhuaha a ngaihpawimawhdan te sawiin, kalkhawmte chu theihtawp chhuah zel turin a fuih a.

Home Minister chuan Officer huaisen leh remhriate kaihhruaina hnuai a Ruihhlo man kawnga Mizoram police-te hnathawh chu ropui leh chhuanawm a tih thu sawiin, Myanmar atanga lo kal Areconut thunun kawngah pawh Mizoram Police-te chu an thawk tha hle tih a sawi bawk.

He hunah hian Mizoram DGP Pu Sharad Agarwal pawhin  Home Minister hi tawiawmin Police officer kalkhamte hmaah hian fuihna thu a sawi bawk a. Police hna chu inpekna tak tak nena thawh ngai a ni tih sawiin, dan zawma ram leh mipuite venhim hna chu dam chhan tlak thil ropui tak a ni tih hre reng turin kalkhawmte chu a chah a ni.