2275/2026-2027 

Dated Khawzawl, the 18th September, 2026 : Vawiin khan Khawzawl Deputy Commissioner Pu K. Vanlalthiana kaihruaiin Khawzawl District Sanitation Task Force chu Swachhata Hi Seva campaign chhunga faina leh thianghlimna kawnga hma lak dan tur relin DC Conference Hall-ah an thukhawm.

Swachhata Hi Seva campaign hi September 17 – October 2, 2026 chhung neih tur a ni a. September 24 thleng hian school leh college-ah faina lam inzirtirna awareness campaign leh tlangau hmanga mipuite inzirtirna neih nise tia rel a ni a. 

September 25 hian khawtlang tihfai hnatlang VC tinah neih tur a ni a. Veng, sikul, sawrkar office leh restaurant te zingah faina lama inelna a awm dawn bawk a. October 2, 2026-ah Swachhata Hi Seva campaign kharna hun hman a ni dawn a, he hunah inelna-a tithate lawmman hlan an ni ang.