Nimin chawhnu khan Mizoram Home Minister Pu R. Lalzirliana chuan a office-ah NGO leh Political Party hruaitute lengah sawmin, Mizoram Sawrkarin Tripura a Bru tlanchhiate laklet hnathawh mek chungchangte, ILP kalpui dante, Assam-Mizoram State ramri a muanna a awm theih nana Sawrkar hmalakna, PAP hlih hnu a thil awmdante hrilh hriatna a nei a, Sawrkarin hna a thawh dan leh hma alak dan a sawifiah a, kalkhawmten hriatchian duh an neih te zawtfiahin an in hrilhfiah nghal zel a, Bru hote laklet chungchangah Mizoram 1995 E/Roll-a hming chuang te leh an thlah kal zel, 2009 thleng a revision awma piang a thun thar te chauh enfiahna neih hnu a lakluh an nih dante in hrilhfiah a ni. Bru laklet hi Sawrkar Laipui, Mizoram Sawrkar leh Tripura Sawrkarte kan hmanhmawh theuh a, amaherawh chu a tul hunah sum a awm mai loh avangte leh anmahni Bru ten khawlh kham siam a chetna te a awm avangin tum angin lakluh chak a ni lova, Bru chungchanga sawi tul apiangte Union Home Minister lo zin tur hnenah Sawrkarin thlen a tum thu pawh sawilan a ni. ILP chungchangah chuan vai (hnamdang) chhawrtu (sponsor) tualchhung mite zawkin kan tihtur kan tih tak tak loh zia leh chu chuan thui taka harsatna a thlen dante a sawilang a, July thla chhungin hnamdang hnathawk tur lalut, chhawr te zawng zawng danin a phutte tha taka zawm turin a ngen a, tualchhung mi (Mizote) hnamdang hnena hming hawhtir an awm thu sawi chungchangah pawh chutiang mi te chu an hming leh an nihna te chiangtaka Sawrkarah hriattir turin kalkhawmte chu a ngen a, hetiang sawi awm thin ah hian Sawrkarin mumal taka hma a lak theihna turin dan bawhchhia te list hi ziaka in pek a awm thin loh avangin dan anga hmalak a har thin thu te pawh tarlan a ni.
State dang nen kan ramri chungchangah Mizoram Sawrkar leh mipuite'n ramri a kan hriat chin humhalh tura Sawrkar hmalakna te tarlan a ni bawk. Hetah hian Sawrkar in a tih awm apiang chu tih a nihzia inhrilhhriat a ni.
Protected Area Permit (PAP) chungchangah chuan ramdang mi India ram lo lutte hian Visa chi hrang hrang an neih theih zingah Tourist Visa hi an rawn la deuh vek a. Tourist Visa nei an nih ang ngeiin dan lekkawhtute chuan an lo enkawl lo thei lova, hengte hi Mizoram Sawrkar hnuai ami nilo Central Sawrkar hnuaia Agency dangte'n dan angin an kalpui loh theih lohna chin a awm dante inhrilhfiah a ni.
He inkawmkhawmnaah hian, CYMA, MHIP, MUP, MPF, MKHC aiawhte an tel a, kalkhawmte hian Sawrkar hmalak dan hi tha an ti a, sawiho zel a tul pawhin an fnhuam thu an sawi.
Protected Area Permit (PAP) chungchangah chuan ramdang mi India ram lo lutte hian Visa chi hrang hrang an neih theih zingah Tourist Visa hi an rawn la deuh vek a. Tourist Visa nei an nih ang ngeiin dan lekkawhtute chuan an lo enkawl lo thei lova, hengte hi Mizoram Sawrkar hnuai ami nilo Central Sawrkar hnuaia Agency dangte'n dan angin an kalpui loh theih lohna chin a awm dante inhrilhfiah a ni.
He inkawmkhawmnaah hian, CYMA, MHIP, MUP, MPF, MKHC aiawhte an tel a, kalkhawmte hian Sawrkar hmalak dan hi tha an ti a, sawiho zel a tul pawhin an fnhuam thu an sawi.
