Vawiin atanga Tawi bial fanga fehchhuak Home Minister Pu R. Lalzirliana chuan Lenchim leh Ruallung khuate a tlawh.

Amah lo hmuaktu mipuite hnenah Pu R. Lalzirliana chuan, “Mizoram sawrkar chu a thutiamah a rinawm a, miretheite khaichhuahna tura duan NLUP pawh a lo tiam tawh ang ngeiin ngawrh takin a kalpui mek a, a hlawhtlinna pawh a dawngtuten an tel chho mek tawh a. Sawrkar chuan a thawh thumna pawh krismas hmaa sem zawh hman ngei a tum a ni” a ti. NLUP sum hmuhna chungchangah mipuite tan buaina tur a awm loh thu sawiin Home Minister chuan, “Sawrkar hi mipuite siam a ni a, chuvang chuan sawrkar-in a neitute tan budget-ah pawisa a dahsak a, chu pawisa chuan in kut a thleng ngei a ni.

NLUP dawngtute zingah an trade thlana vanduaina tawk an awm hi sawrkar chuan pawi a ti a; bawng vulhtute pawh bawngpui 2 theuhin ral dawn a ni” a ti. Home Minister chuan sawrkar dinglai chu kohhran hote tawngtaina rahchhuah a nih angin tunah pawh tawngtaisakna an la dawn reng thu leh Pathian malsawmna in a unzui zel thu a sawi a, “Kan hmaa Krismas leh Kumthar lo thleng tur hi Lal Isua ngaihtuah chungin hmang theuh ila, Mizoram khawtina miten halpuah hal lo theuh bawk ang u” tiin a chah bawk. Home Minister hian a khaw tlawh chhunga kumina mitthite a mal malin an inah a ral nghal a; naktukah Maite khua leh Mualchengte a tlawh leh ang a, Keifangah a riak ang.