Hlemhletna Do Ni ‘International Corruption Day’ 2012 chu December ni 10 khian hman a ni dawn a, he ni denchhan leh a hmanna chikhat atan vawiin khan District Education Office, Aizawl District chuan Govt. Hrangchhuana High School, Ramhlun-ah Pawl 9 atanga Pawl 12 zirlai te tan thu inziahsiak essay competition an buatsaih a ni.

He inelna hi Mizo leh Sap tawnga buatsaih niin Aizawl khawpui chhunga High School leh Higher Secondary School 16 ve ve te tel turah sawm an nih rualin vawiina he inelnaah tel chu sikul 16 atanga zirlai naupang 30 an ni. Mizo tawnga a thupui chu ‘Hlemlhetna in khawtlang nun a nghawng dan’ leh Sap tawnga thupui chu ‘Corruption and its impact on society’ tih te an ni a.

Natuk khian he ni denchen hian Higher & Technical Education Department chuan college zirlai te tan Debate Competition (Mizo leh Sap tawngin) I & PR Auditorium-ah chawhma dar 11:00 a.m. ah an buatsaih dawn a ni.

Tarlan tawh angin he ni puala intihsiakna hrang hrang zingah tual chhung chanchinbua(Mizo Leh Sap tawng) corruption dona lam hawi editorial leh article tha thlanchhuah tur a ni bawk a. Kum khat chhunga hetiang thuziak atang te hian Lawmman hi buatsaih tur anih vangin nikum Anti Corruption Day leh kumin inkar chhunga hlemhlet dona lam hawi editorial leh article chanchinbua tarlan tawh te chu a copy leh a chhuah ni tarlangin I & PR Office-ah(Director PA bulah) thehlut turin a ziak tute ngen an ni.

Essay Competition, Debate Competition leh Editorial/Article Competition-a thitha te chu International Anti Corruption Day 2012 puala State Level Function December ni 10 a Mizoram Legislative Conference Hall-ah neih turah Mizoram Larsap in lawmman a hlan dawn a ni.