Vawiin khan Home Minister Pu Lalchamliana'n Youth Vikash Society (YVS) Pre Recruitment Training 2019 kharna Brigade Field, Bawngkawn-ah a hmanpui a, Mizo thalai sipaia tang tuma inbuatsaiha training chhuakte hi Recruitment atana an admit card tur hlanin Training chhunga sport an neiha titha te medal a hlan bawk.

Khuallian Pu Lalchamliana chuan training nei zawng zawngte duhsakna a hlan a. YVS anga midangte tana insengso thinte hi ngaihsanawm ber an ni a ti a. YVS in mi tamtak a lo tanpui a, chhungkaw tamtak eizawng a lo kawhhmuh chu chhuanawm a tih thu sawiin training chhuak, hlawhtlinna changtute pawhin mi dangte tanpuina rilru pu zel turin a chah a ni.

Youth Vikash Society (YCS) hi 2011 khan din niin kumtin in Mizo thalai sipaia tang duhte tan training an buatsaih thin a. YVS hnuaia training chhuak sipaia tling hi mi 300 chuang an awm tawh a. Kumin hian training hmun hnih Brigade Field leh New Capital Complex ah te neih niin vawiina khar tak hi batch 17-na an ni.