Nimin (15.11.2019) khan District Child Protection Unit,Siaha leh Beti Bachao Beti Padhao(BBBP) Team ,DC Siaha te bultumin Siaha khawpui chhunga zirna in zawng zawnga Cleanliness Day, 2019 hman a ni.

Sikul tinte hian faina chungchang inzirtirna te,kutsil dan te leh sikul compound tihfai runpui an  hmang a ni.
.
Don Bosco School,Siaha-ah pawh cleanliness Day--2019 (Be clean & Happy)  programme hi zirlai naupangte nen hman ho a ni a.Programme hi Pu T.Chatlua,Dy DPC ,RMSA ,Siaha in a kaihhruai a,Pu VL Zuithanga ,Coordinator ,Beti Bachao Beti Padhao,Siaha in thusawina neiin, zirlai te chu faina leh thianghlimna ngaihpawimawh tur te leh keimahni fai kan ngaih pawimawh angin kan sikul pawh tihfai ve a tul thu a sawi.

Pi B.Lalruatpuii,Women Welfare Officer,Mahila Shakti Kendra ,Siaha leh Pi Imelda C. Zomuanzuali,District Centre Administrator, One Stop Centre,Siaha  ten zirlai naupangte hnenah Kutsil dan zirtirna leh Games khelhpuina hun an nei a, Pi K.Lalrempuii, Counsellor, Ebenezer Children's Home,Siaha leh Don Bosco School naupang atangin zai mawi tak ngaihthlak a ni.

Dr David Zaitinvawra, District Child Protection Officer, Siaha in programme buatsaih chhan te, faina chungchanga thutiam sawiho tirna te leh lawmthu sawina te neiin, programme hi a tawp ta a ni.