May 15 tlai khan Home Minister Pu R.Lalzirliana chuan Guwahati khawpui a thleng a. Guwahati Mizo Welfare hruaitute nena inkawmhona hun an hmang.

Guwahati Mizo Welfare hruaitute hian Home Minister hnenah Guwahati a Mizote dinhmun tlangpui hrilhin Welfare in Mizo zirlaite, hnathawkte leh chhungkuaa awmte tana tlawmngai pawl anga hna an thawh dan an sawi a. Chhiatni thatni ah Guwahati mai bakah a chhehvela awm Mizo te, damdawi in lian zawk pana Mizoram atanga lo chhuk vanduaina tawk an tuamhlawm dan te an lo hrilh a ni. Khasi rama Mizo te thlanmual, Guwahati Mizo Welfare-in tangkai taka an hman mek, hungna tur sum mamawh Minister hnena an thlen chu remchang hmasaah ngaihtuahsak an nih tur thu Pu R Lalzirliana chuan a sawi a ni.

Home Minister hi Guwahati Mizoram House-a Deputy Resident Commissioner (DRC) Pu Donny Lalruatsanga'n a tawiawm a ni.