Vawiin zing khan Home Minister Pu R.Lalzirliana leh UD&PA Minister Pu Zodintluanga ten Coordination on Traffic Management-in a rel tawh angin, Power House hlui (Electric Veng) hmuna Multi Level Parking siamna tur an enpui.

Home Minister chuan P&E Department Conference Hall-ah thu sawiin P&E Department a thawkte, UD&PA Department a thawkte leh Traffic lama thawkte an inlungrual avangin lawmawm a ti a. Sawrkar hmun mipui hmantur atana ruahmanna hi mithiam te nen ngaihtuah ho a la ni ang, a ti a. P&E Department hi mipui tana thawk nasa an nih avangin mipui mamawhna hrethiam a rilru zau anlo nei hi ropui a tih thu a sawi.

UD&PA Minister pawhin thu sawiin Official ten sawmna anngaih pawimawh avangin lawmawm a ti a. Sawrkar hnathawkte hi an hnathawh that pholan ni thinlo fo mahse, hah taka an thawhrimna-ah lawmthu sawiin, Mizoram hi electric power supply-ah kan vannei hle a ni, a ti.

Minister te hian State Load Despatch Centre leh 32 KV Substation Control Room te an tlawh a. Parking siamna tur enpuina-ah hian Mayor (AMC), Secretary, UD&PA Department, Additional Secretary, Home Department leh midang ten an tawiawm a ni.