2675/2022-2023
Aizawl 15th November 2022: Vawiin khan Home Minister Pu Lalchamliana chuan HK Jerry Ramliana buatsaih Painting Solo Exhibition chu S&S Art Gallery, Zarkawt-ah a hawng.

Exhibition hawngtu Pu Lalchamliana chuan, Mizote zingah Art lam ngainatu an pung chho tulh tulh nia a hriat thu leh Art lam chu a ngaihhlut a nih thu a sawi a. Art chu kan hnam nunzia leh kan ram darthlalang pholangtu, ram pawn mai ni lo khawvel ram dang te pawhin mawi taka min hriat theihna a nih avangin hemi kawnga ke pen mek te chu tan la sauh sauh turin a chah bawk.

Tun tum Exhibition hi Pu Jerry-a hian Painting Solo Exhibition a buatsaih vawi 6-na a ni a.

He Exhibition hawnna hun hi Pu Laltanpuia, President Mizoram Art Development Society (MADS) chuan a kaihruai a. He Exhibition hi a duh apiangte tan chhim theih tura buatsaih a ni a. November 21,2022 (Thawhtanni) thleng a awh ang.