No.2674/2021-2022
Aizawl 20th Oct. 2021 : Vawiin khan Home Minister Pu Lalchamliana chuan Lungleia Taxation Depatment Quarter sak mek leh Lunglei SP Office-te a tlawh.

Taxation Department Quarter sak mek a tlawhnaah hian Home Minister hi Lungleia Deputy Commissioner of State Tax Pi B. Lalremruati leh a thawhpui ten an lo dawng sawng a, Home Minister chuan Taxation Department-te chu sawrkar tana sum la luttu ber an nih thu sawiin mipuite pawhin chhiah pek chu kan tih tur a ni a, chhiah tha taka pek chu ram hmasawnna atana thil pawimawh tak a nih thu a sawi a ni.

Home Minister chuan Taxation Deptment bik chu thawktute sawn kual chung changah an fakawm a tih thu sawiin harsatna a hnenah an thlen ngai loh thu a sawi bakah hun bi neia an sawn hun an zawm that thu a sawi a ni.

Vawiina Home Ministerin Taxation Quarter buiding sak mek a tlawh hi cheng nuai 293 senna tur niin hemi chhungah hian Officer leh a staff te awm theihna tura ruahman a ni a, chhawng hniha sak tur a ni.

Taxation Department a tlawhnaah hian HPC Vice Chairman Pu Lawmawma Tochhawng leh Lunglei Bawrhsap Pu Kulothungan A bakah Additional DC Pu M. Misael ten an tawiawm a ni.

Hemi hnu hian Home Mister Pu Lalchamliana hian Lunglei SP Office tlawh lehin Lunglei SP Pu Rex Zarzoliana leh a thawhpui ten an lo dawng sawng a, he hunah hian Home Minister chuan Lunglei Police te inrelbawlna chu fakawm a tih thu sawiin thawktute indaih lohna chu a hriatreng bakah Mizoram chhunga District hrang hrang mipui awm dana zira Police lak tum a nih thu sawiin Lunglei tan kang thelhna motor tha tak an pek tur thu a sawi bawk.

Home Ministerin vawiina a Department chante a tlawhnaah hian DIG Southern Range Pu Dinesh Kumar leh 2nd Battallion Commandant Pu Saidingliana Sailo ten an tawiawm a ni.