2069/2022-2023
Dated Serchhip, the 26th September, 2022: Vawiin hian Dr. Hari Babu Kambhampati, Hon’ble Governor of Mizoramin tunkar tawp lama zan khat riaka Serchhip District a rawn tlawh tur lo dawnsawn dan relin Pi Nazuk Kumar, IAS, DC hovin head of offices te, tlawmngaipawl hrang hrang aiawhte, Political Party aiawhte, kohhran hrang hrang aiawhte leh khawtlang hruaitute DC Meeting Hall ah an thukhawm.

Governor hian Serchhipa Head of Offices te kawmna te, kohhran hruaitute kawmna te, Party aiawh leh tlawmngaipawl aiawhte kawmna hun a nei tura beisei a ni a. Heng bakah hian Sainik School, Chhingchhip leh Central Scheme hnuaia hnathawh hrang hrangte pawh a tlawhkual tura beisei a ni.

Heng a thiltih tur hrang hrangte hi hlawhtling taka a tih theih nan vawiina meeting chuan ruahmanna hrang hrang siamin, inbuatsaihna tur a siama, mawhphurhna te pawh chipchiar takin a tul angin sem a ni.

Vawiin meeting ah hian Pu Stephen Lalrinawma, SP, Pu Lalmuansanga Ralte, Addl. DC, leh head of offices te, tlawmngaipawl, kohhran leh party aiawhte an tel tha hle a ni.