1992/2023-2024

Lawngtlai dated 23rd September 2023: Justice Pu Nelson Sailo chuan Siaha a tlawh hnu ah nimin khan Lawngtlai a thlawh a, Law & Judicial a thawktuten lo dawngsawngin, Lawngtlaia Judicial Quarters sak mek, Type I & II Rs 119,90,755/- senna tur leh Judicial Quarters Grade II Rs 95,19,999/- senna tur sak mek chu a hmun ah kalin a enfiah a. Heng Quarters sak mek te hi a zawh hun tur a ruahman chu pel tawh mahse, a rang lam a hnathawk zo turin Contractor-te a chah a. Lawngtlai district Court-a thawktute chenna tur Quarters indaih lohna chu a rang lam a phuhruk a nih theih nan hnathawktute chu an hna thawk zo thuai turin a hrilh bawk a ni.

Justise Nelson Sailo hian Quarters sak mek a en zawh hian Chief Judicial Magistrate Office tlawh lehin hetah hian Lawngtlai district-a thuneitu, Deputy Commissioner, Superintendent of Police leh Project Director, District Rural Development Office leh Official thenkhatte nen inkawmhona neihpuiin Sawrkar inrelbawlna a thil pawimawh hrang hrangte a sawipui a ni.

Justise Nelson Sailo hi Pu Joel Joseph Denga, Registrar, Guwahati High Court, Aizawl Bench leh Pu Thomas Lalrammawia, Deputy Secretary ten an tawiawm a ni.